Zaburi 97 - Motingʼo Loko Manyien

Zaburi 97

¹ Jehova Nyasaye e Ruoth, omiyo piny mondo obed mamor; dho nembe man mabor mondo obed moil.

² Boche polo gi mudho mandiwa oume; tim makare gi adiera e mise mar lochne.

³ Mach liel e nyime kendo wangʼo wasike e alworane duto.

⁴ Mil polo mare menyo piny; piny neno kendo yiengni.

⁵ Gode leny nono ka odok e nyim Jehova Nyasaye, gileny nono e nyim Ruoth piny duto.

⁶ Polo hulo timne makare, kendo ji duto neno duongʼne.

⁷ Ji duto malamo gik mokedi wigi okuot; jogo gin joma sungore kuom nyiseche mopa; nyiseche duto mondo olame!

⁸ Sayun nowinjo wachno mi obedo moil, miech Juda bende nobedo mamor, nikech bucheni, yaye Jehova Nyasaye.

⁹ Nimar in Jehova Nyasaye, e Nyasaye Man Malo Moloyo mohewo piny duto; iduongʼ kendo iyombo nyiseche mamoko duto mabor.

¹⁰ Joma ohero Jehova Nyasaye mondo osin gi gik maricho nimar orito ngima joge ma jo-adiera, kendo oresogi e lwet joma richo.

¹¹ Joma kare imenyonegi ler; joma oriere gie chunygi imiyo mor.

¹² Moruru kuom Jehova Nyasaye un joma kare, kendo pakuru nyinge maler.