Zaburi 8 - Motingʼo Loko Manyien

Zaburi 8

Kuom Jatend Wer. Kaluwore Gi Gitith . Zaburi Mar Daudi.

¹ Yaye Jehova Nyasaye, ma Ruodhwa, mano kaka nyingi nigi duongʼ e piny duto! Iseketo duongʼni maler milamo, moyombo polo.

² Ne isechano mondo nyithindo kod nyithindo mayom omiyi pak, nikech wasiki, mondo jawasigu kod jachul kuor olingʼ kawuoro timni.

³ Kaparo polo mari ma gin tich lweti, kaparo dwe gi sulwe miseketo kargi,

⁴ to dhano adhana to en angʼo momiyo ipare, wuod dhano to en angʼo momiyo iketo pachi kuome?

⁵ Ne ichweye mapiny ne malaike kendo isesidhone osimbo mar duongʼ kod luor.

⁶ Isekete jatelo ewi tich lweti duto; iseketo gik moko duto e bwo tiende:

⁷ Jamni gi kweth duto kod le mager mag bungu,

⁸ Winy duto mafuyo e kor polo, kod rech manie nam, gi le duto mamol kaluwo yore manie nembe iketo e bwo lochne.

⁹ Yaye Jehova Nyasaye, ma Ruodhwa, mano kaka nyingi nigi duongʼ e piny duto!