Zaburi 61 - Motingʼo Loko Manyien

Zaburi 61

Kuom jatend wer. Gi gig wer man-gi tondegi. Mar Daudi.

¹ Winj ywakna, yaye Nyasaye; chik iti ne lamona.

² Aluongi gie tungʼ piny, aluongi ka chunya ool; telna nyaka lwanda mohinga gi bor.

³ Nikech in ema isebedo kar pondona, isebedona ohinga motegno maponde ne jasigu.

⁴ Agombo dak e hembi nyaka chiengʼ mondo apondie e raum mar bwombeni. Sela

⁵ Nikech isewinjo singruokna kodi, yaye Nyasaye; isemiya gweth mikano ne joma oluoro nyingi.

⁶ Med ndalo mar ngima ruoth, mede higni e tienge mangʼeny.

⁷ Mi obed e kom loch e nyim Nyasaye nyaka chiengʼ; ket herani kod adierani mondo orite.

⁸ Eka anasik ka apako nyingi gi wer kendo abiro chopo singruokna kodi odiechiengʼ kodiechiengʼ.