Zaburi 6 - Motingʼo Loko Manyien

Zaburi 6

Kuom jatend wer. Miwero gi gig wer man-gi tondegi. Kaluwore gi sheminith . Zaburi Mar Daudi.

¹ Kik ikwera, yaye Jehova Nyasaye, ka iyi owangʼ kata kum kik ikuma ka mirima omaki.

² Kecha, yaye Jehova Nyasaye, nikech aol; changa, yaye Jehova Nyasaye, nikech chokena rama malit.

³ Chunya winjo malit. Nyaka karangʼo, yaye Jehova Nyasaye, nyaka karangʼo?

⁴ Lokri, yaye Jehova Nyasaye, mondo iresa; resa nikech herani ma ok rum.

⁵ Onge ngʼama nyalo pari ka osetho. En ngʼa madi paki gi ei liel?

⁶ Chur ma achurgo ojonya otieno duto abudo kitandana gi ywak, kendo pi wangʼa olwoko piendena.

⁷ Wengena ool nikech lit ma an-go; ok ginen maber nikech wasika duto.

⁸ Ayiuru buta, un duto ji matimo richo, nikech Jehova Nyasaye osewinjo ywakna.

⁹ Jehova Nyasaye osewinjo ywak mar kwayo kech; Jehova Nyasaye orwako lamo mara.

¹⁰ Wasika duto wigi biro kuot kendo gibiro hum nono; gibiro dok chien apoya nono gi wichkuot.