Zaburi 47 - Motingʼo Loko Manyien

Zaburi 47

Kuom jatend wer. Zaburi mar yawuot Kora.

¹ Pamuru lweteu, un ogendini duto; Pakuru Nyasaye ka ukok matek gi mor.

² Mano kaka Jehova Nyasaye Man Malo Moloyo lich, en Ruoth Maduongʼ man-gi loch e piny duto!

³ Ne oloyonwa ogendini mi gibet e bwowa, ji nopodho piny e tiendewa.

⁴ Ne oyieronwa girkeni marwa, gik mabeyo mogik ne Jakobo mane ohero. Sela

⁵ Nyasaye oseidho malo ka ji pake gi mor. Jehova Nyasaye osetingʼ malo ka dwond turumbete ywak.

⁶ Weruru wende pak ne Nyasaye, weruru wende pak; weruru wende pak ne Ruodhwa, weruru wende pak.

⁷ Nikech Nyasaye en Ruodh piny duto, werneuru zaburi mar pak.

⁸ Nyasaye nigi loch ewi ogendini; Nyasaye obet piny e kom lochne maler.

⁹ Jotend ogendini ochokore kaachiel kaka jo-Nyasach Ibrahim, nikech ruodhi mag piny gin mag Nyasaye; omiyo Nyasaye oyud duongʼ.