Zaburi 3 - Motingʼo Loko Manyien

Zaburi 3

Zaburi mar Daudi, kane oringo oa ir wuode Abisalom.

¹ Yaye Jehova Nyasaye, mano kaka wasika thoth! Mano kaka joma lawa ngʼeny!

² Ji mangʼeny wuoyo kuoma, kagiwacho ni, “Nyasaye ok bi rese.” Sela

³ To In e okumbana mogengʼa, yaye Jehova Nyasaye; In ema imiyo alocho, kendo isetingʼo wiya malo.

⁴ Aywak matek ka alemo ni Jehova Nyasaye, kendo odwoka gie gode maler. Sela

⁵ Ariera piny mondo anindi; kendo achako aa malo, nikech Jehova Nyasaye orita.

⁶ Ok abi luoro ji gana gi gana molwora mondo otimna marach.

⁷ Aa malo, yaye Jehova Nyasaye! Resa, yaye Nyasacha! Tur chok lemb wasika duto; Muk leke joma timbegi richo.

⁸ Resruok aa mana kuom Jehova Nyasaye. Mad igweth jogi. Sela