Zaburi 26 - Motingʼo Loko Manyien

Zaburi 26

Zaburi mar Daudi.

¹ Ngʼadna bura makare, yaye Jehova Nyasaye, nikech e ngimana duto asedak ka aonge ketho; aseketo genona kuom Jehova Nyasaye ma ok adigni.

² Nona kendo itema, yaye Jehova Nyasaye nonie chunya gi pacha;

³ nikech herani osiko kanie chunya kinde duto, kendo asiko kawuotho e adierani.

⁴ Ok abed piny gi joma wuondore bende ok ariwra gi jo-miriambo.

⁵ Achayo chokruok mar joma timo gik maricho kendo ok ayie bet piny gi joricho.

⁶ Aluoko lwetena kanyisogo ni aonge ketho, kendo aluoro kendoni mar misango, yaye Jehova Nyasaye,

⁷ ka alando pakni gi dwol maduongʼ, kendo anyiso timbeni duto miwuoro.

⁸ Ahero hekalu kama idakie, yaye Jehova Nyasaye, kama duongʼni nitie.

⁹ Kik ikaw chunya kaachiel gi joricho, kik ikaw ngimana kod joma ohero chwero remo,

¹⁰ joma lwetegi otingʼo chenro maricho ma lwetegi ma korachwich asoya opongʼo.

¹¹ An to ngimana onge ketho; yie iwara kendo ikecha.

¹² Tiendena onyono kama opie; e chokruok mangʼongo abiro pako Jehova Nyasaye.