Zaburi 149 - Motingʼo Loko Manyien

Zaburi 149

¹ Pakuru Jehova Nyasaye! Werneuru Jehova Nyasaye wer manyien, kendo dendeuru e chokruok mar jomaler.

² Jo-Israel mondo obed mamor gi jachwechgi; ee, jo-Sayun mondo obed mamor gi Ruodhgi.

³ Onego gi pak nyinge gi miel kendo giwerne mamit ka gigoyo oyieke gi nyatiti.

⁴ Nimar chuny Jehova Nyasaye mor gi joge kendo osidho joma obolore gi warruok.

⁵ Jomaler mondo oil kamiye duongʼ kendo giwer gimor ka gibet e kitandagi.

⁶ Onego pak mar Nyasaye obed e dhogi kendo gitingʼ ligangla ma dhoge ariyo e lwetgi,

⁷ mondo gichulgo kuor ni ogendini kendo gikum ogendini mamoko,

⁸ kendo gitwe ruodhigi gi nyoroche, kod jotendgi gi opingo mag chuma,

⁹ ka gichopo kum mane ondik kuomgi chon. Ma e duongʼ mar joge maler duto. Pakuru Jehova Nyasaye!