Zaburi 130 - Motingʼo Loko Manyien

Zaburi 130

Wer ma ji wero kadhi e hekalu.

¹ Aywakni ka an e chuny bur matut, yaye Jehova Nyasaye,

² Yaye Jehova Nyasaye, yie iwinj dwonda. Chik iti ne ywakna ma aywaknigo mondo ikecha.

³ Yaye Jehova Nyasaye, ka dine bed ni isiko iparo richo, ma ji timo, yaye Jehova Nyasaye, to en ngʼa ma dichungʼ e nyimi ka ok bura oloyo?

⁴ To kata kamano kuomi nitiere weyo richo; kuom mano watiyoni gi luor.

⁵ Arito Jehova Nyasaye, chunya rite kendo aketo genona kuom wachne.

⁶ Chunya rito Ruoth Nyasaye, moloyo kaka jorito rito ru piny, chunya riti, yaye Nyasaye, moloyo kaka jorito rito ru piny.

⁷ Yaye jo-Israel, keturu genou kuom Jehova Nyasaye, nimar Jehova Nyasaye nigi hera ma ok rem, kendo en ema owaro ji chuth.

⁸ En owuon ema obiro waro jo-Israel kuom richogi duto.