Zaburi 13 - Motingʼo Loko Manyien

Zaburi 13

Kuom jatend wer. Zaburi mar Daudi.

¹ Nyaka karangʼo, yaye Jehova Nyasaye? Wiyi biro wil koda nyaka chiengʼ koso? Ibiro pandona wangʼi nyaka karangʼo?

² Abiro dhi nyime ka an gi pek manie pacha kod kuyo manie chunya odiechiengʼ kodiechiengʼ nyaka karangʼo? Wasika biro locho kuoma nyaka karangʼo?

³ Para kendo idwoka, yaye Jehova Nyasaye Nyasacha. Chiw ler ne wengena, nono to dipo ka nindo otera mi atho;

⁴ nikech mano nyalo miyo jasika wach niya, “Aseloye,” kendo wasika biro bedo mamor ka apodho.

⁵ Anto ageno kuom herani mosiko; chunya oil kuom warruok mari.

⁶ Abiro wer ne Jehova Nyasaye, nikech osebedo ka otimona maber.