Zaburi 124 - Motingʼo Loko Manyien

Zaburi 124

Wer ma ji wero kadhi e hekalu. Mar Daudi.

¹ Ka dine bed ni Jehova Nyasaye ok jakorwa, jo-Israel mondo owach kamano,

² ka dine bed ni Jehova Nyasaye ok jakorwa kane ji omonjowa,

³ e kinde mane mirima mabebni ka mach omakogi kodwa, to dine gimwonyowa ngili;

⁴ ataro dine odinonwa, ee, kodh yamo dine oywerowa,

⁵ kendo pi maringo matek dine odhi kodwa.

⁶ Pak mondo odogne Jehova Nyasaye, ma ok oseyie mondo gikidhwa gi lekegi.

⁷ Wasetony mana ka winyo mowuok e wino mar jachik winy; wino osechodi, to wan wasetony.

⁸ Konyruokwa ni e nying Jehova Nyasaye, Jachwech polo gi piny.