Zaburi 121 - Motingʼo Loko Manyien

Zaburi 121

Wer ma ji wero kadhi e hekalu.

¹ Atingʼo wangʼa ka arango gode, ere kuma konyruokna biro aye?

² Konyruokna aa kuom Jehova Nyasaye, Jachwech polo gi piny.

³ Ok obi weyo tiendi kier, Jal ma riti ok bi nur;

⁴ adier, Jal marito Israel ok nur kendo ok nindi.

⁵ Jehova Nyasaye riti, Jehova Nyasaye e tipo moumi gi yo badi korachwich;

⁶ omiyo chiengʼ ok nochami godiechiengʼ kendo dwe ok notimi gimoro gotieno.

⁷ Jehova Nyasaye biro riti mondo gimoro amora kik ohinyi.

⁸ Jehova Nyasaye biro riti kidonjo kendo kiwuok, obiro timo kamano sani kendo nyaka chiengʼ.