Zaburi 12 - Motingʼo Loko Manyien

Zaburi 12

Kuom jatend wer. Kaluwore gi sheminith . Zaburi mar Daudi.

¹ Kony ji yaye Jehova Nyasaye, nikech joma oluoro Nyasaye koro onge; joma jo-adiera oserumo e dier ji.

² Ngʼato ka ngʼato riambo ne nyawadgi; dhogi mohero jaro ji wuoyo gi wuond.

³ Mad Jehova Nyasaye ongʼad oko lep duto ma jaro ji kod lep duto masungore;

⁴ mawacho niya, “Wabiro wuoyo kaka wahero; kendo onge ngʼama biro tamowa. Koso en ngʼa ma ruodhwa manyalo tamowa timo kamano?”

⁵ “Nikech dich modigo joma ok nyal kod chur ma joma ochando churgo, koro abiro aa malo,” Jehova Nyasaye owacho. “Abiro ritogi e lwet joma sandogi.”

⁶ Weche Jehova Nyasaye liw, giliw ka fedha moleny e lowo mowangʼ maliet ha, mopwodhi ndalo abiriyo.

⁷ Yaye Jehova Nyasaye, yie iritwa maber kik gimoro ohinywa kendo reswa e lwet joma kamago nyaka chiengʼ.

⁸ Joma timbegi richo wuotho koni gi koni kendo gima rach ema ji puoyo.