Zaburi 114 - Motingʼo Loko Manyien

Zaburi 114

¹ Kane jo-Israel owuok Misri, ee, kane joka Jakobo owuok e kind joma wacho dhok mopogore,

² Juda nodoko kama ler mar lemo mar Nyasaye, kendo Israel nobedo mwandune owuon.

³ Nam nonenogi mi oa gi ngʼwech, kendo Jordan ne odar oweyonigi piny,

⁴ gode nolengʼore ka imbe, to thuche to nochikore ka nyirombe.

⁵ Angʼo momiyo ne ia gi ngʼwech, yaye nam? Yaye Jordan, ne idar iweyonegi piny nangʼo?

⁶ To un gode to ne ulengʼoru ka imbe nangʼo? Koso thuche to nochikore ka nyirombe nikech angʼo?

⁷ Yaye piny, yiengni ka Ruoth Nyasaye ni machiegni kodi, yiengni e nyim Nyasach Jakobo,

⁸ Nyasaye mane omiyo lwanda olokore pi mogudore, kendo mane omiyo lwanda matek olokore sokni mag pi.