Zaburi 1 - Motingʼo Loko Manyien

Kitabu Mokwongo Zaburi 1–41 Zaburi 1

¹ Nyasaye gwedho ngʼat ma ok lu pach joma richo, kata luwo yor joricho kata bedo e kom jojaro.

² To chik Jehova Nyasaye ema more, kendo osiko oparo kuom chikene odiechiengʼ gotieno.

³ Ochalo gi yien mopidhi e bath aora, manyago olembe e kinde molemo chieke, kendo ma bedene ok ner. Gimoro amora motimo dhi maber.

⁴ Joma timbegi richo to ok chal kamano kata matin! Gin gichalo gi mihudhi, ma yamo tero.

⁵ Kuom mano joma timbegi richo ok nolo bura, adier, joricho ok nobedi e kanyakla mar joma kare,

⁶ nikech Jehova Nyasaye rango yor joma kare, to yor joma richo to biro kethore.