Zozue 19 - Bibeli do fee

Ilɛi dimii Simeɔ̃ ŋa

¹ Ŋɔi à ta kpasa mmuɛ má. Si kpasa iyi à tau, ikpɛ̃ minjisiau tɔkui Simeɔ̃ ŋai à nɔɔ si bɛi nyaanze nŋa ŋa à to fei. Ilɛ nŋa í wai si inɔi ilɛi dimii Zudaa ŋau.

² Si tubu nŋau ilu ŋa iyi à ba wee. Bɛɛseba do Seba do Molada

³ do Hasaa-Suali do Bala do Asɛmu

⁴ do Elitoladi do Betuɛli do Ɔɔma

⁵ do Sikilagi do Bɛti-Maakabɔti do Hasaa-Susa

⁶ do Bɛti-Lebaɔti do Sarueni. Nɔ fei ndɛɛ í ce ilu maatɛta do ilɛɛko nŋa ŋa.

⁷ Si anyiɛ ilui Aini mɔ í wa si do Rimɔɔ do Etɛɛ do Asãa. Nŋu mɔ í ce ilu mɛɛ do ilɛɛko nŋa ŋa,

⁸ nɔ ilɛɛko ŋa iyi à wa amɛɛ bɛ fei à kɔ̃ɔsi ŋa má hee ku bɔ Baalati-Beɛɛ iyi í jɛ Ramati-Negɛbu, iyi í wa ikpa awɔ cangai kpãai inunu. Inɛ nŋu ŋau bɛ fei ikpɛ̃i dimii Simeɔ̃ ŋa mbɛ si nyaanze nŋa ŋa.

⁹ Hai bi tɔkui Zudaa ŋai tɔkui Simeɔ̃ ŋa à ba ilɛ nŋa, domi tɔkui Zudaa ŋau ilɛ iyi à ba í la í re ŋa. Na ŋɔi í ce dimii Simeɔ̃ ŋa à wa si aninii ilɛi inɛi Zudaa ŋau.

Ilɛi dimii Zabulɔ̃ɔ ŋa

¹⁰ Ikpɛ̃ mɛɛtasia iyi à ce si kpasa iyi à tau tɔkui Zabulɔ̃ɔ ŋai à nɔɔ si bɛi nyaanze nŋa ŋa à to fei. Kɔɔi ilɛ nŋau í nɛi hee Saridi.

¹¹ Hai bɛ nɔ í nɛ ikpa nunui alɛ í bɔ hee Mareala, í koo í kãsi Dabesɛti. Si anyiɛ nɔ í bɔ ikpa acãi inyi iyi í wa do wajui Yokineamu.

¹² Hai Saridi bɛ nɔ í sinda í nɛ ikpa nunui daakɔ má hee í koo í kãsi kɔɔi Kisilɔtu-Tabɔɔ, nɔ í lɔ do ikpa Dabarati í nɛ hee Yafia.

¹³ Nɔ í nyi í mɔsi ikpa nunui daakɔ má í nɛ hee ikpa Gita-Hefɛɛ nɔ í bɔ Ita-Kasĩi má, hai bɛ nɔ í mɔsi má í nɛ Rimɔɔ í bɛi í sinda í nɛ hee Nea.

¹⁴ Si anyiɛ nɔ í sinda í nɛ ikpa awɔ njɛi kpãai inunu í nɛ ikpa Hanatɔ̃ɔ, nɔ í koo í kpa iri si lɔɔmai Yifuta-Eli.

¹⁵ Nɔ Katati mɔ í wa si do Nahalali do Simirɔ̃ɔ do Yideala do Betelehɛmu. Fei ndɛɛ í ce ilu maateeji do ilɛɛko nŋa ŋa.

¹⁶ Ilu ŋau bɛ do ilɛɛko nŋa ŋa fei, nyaanzei dimii Zabulɔ̃ɔ ŋa, aŋai à nɔɔ.

Ilɛi dimii Isakaa ŋa

¹⁷ Ikpɛ̃ mɛɛsia iyi à ce si kpasa iyi à tau ti tɔkui Isakaa ŋai si bɛi nyaanze nŋa ŋa à to fei.

¹⁸ Aŋai à nɛ hai Yizireɛli do Kesulɔti do Sunɛmu

¹⁹ do Hafaraimu do Sioni do Anaharati

²⁰ do Rabi do Kisiɔ̃ɔ do Ebɛsi

²¹ do Remɛti do Eni-Ganimu do Eni-Hada do Bɛti-Pasɛsi.

²² Nɔ kɔɔu í koo í kãsi Tabɔɔ do Sasima do Bɛti-Semɛsi nɔ í koo í kpa iri si idoi Zuudɛ̃ɛu. Ilu ŋau fei sãa sãa í wɛɛi maatũ do akã do ilɛɛko nŋa ŋa fei.

²³ Ilu ŋau bɛ do ilɛɛko nŋa ŋa fei, nyaanzei dimii Isakaa ŋa, aŋai à nɔɔ.

Ilɛi dimii Azɛɛ ŋa

²⁴ Ikpɛ̃ miiusia iyi à ce si kpasa iyi à tau ti tɔkui Azɛɛ ŋai si bɛi nyaanze nŋa ŋa à to fei.

²⁵ Aŋai kɔɔ nŋa í sinti hai Helika do Hali do Betɛ̃ɛ do Akesafu,

²⁶ do Alamelɛki do Ameadi hee ku bɔ Miseali. Do ikpa nunui alɛ, kɔɔu í bɔi hee ikpa iri kutai Kaamɛli nɔ í too acãi inyi iyi à ya kpe Sikɔɔ-Libuna.

²⁷ Nɔ í koo í sinda má do ikpa nunui daakɔ hai Bɛti-Dagɔ̃ɔ, nɔ í bɔ hee ilɛi dimii Zabulɔ̃ɔ ŋa do lɔɔmai Yifuta-Eli do ikpa awɔi njɛi kpãai inunu ikpa Bɛti-Emɛki do Neiɛli, nɔ í mɔsi í nɛ hee ikpa awɔ cangai Kabuli.

²⁸ Hai bɛ nɔ í nɛ ikpa Ebirɔ̃ɔ do Rehobu do Hamɔɔ do Kana, nɔ í koo í leekĩ hee Sidɔ̃ɔ ilu nlau.

²⁹ Nɔ í sinda í bɔ ikpa Rama do Tii ilu ku nɛ gbugbãu, nɔ í nɛ ikpa Hoza nɔ í koo í kpa iri si Tenkui Mediteraneeu kɔkɔi ilɛi Akuzibu.

³⁰ Uma mɔ í wa si do Afɛki do Rehobu. Jiai ilu ŋau fei sãa sãa í wɛɛi kɔnfia do minji do ilɛɛko nŋa ŋa.

³¹ Si ikpɛ̃u, iyi í jɛ ti nyaanzei dimii Azɛɛ ŋa mbɛ.

Ilɛi dimii Nɛfitali ŋa

³² Ikpɛ̃ mɛɛfasia iyi à ce si kpasa iyi à tau ti tɔkui Nɛfitali ŋai si bɛi nyaanze nŋa ŋa à to fei.

³³ Kɔɔ nŋa í wai hai Helɛfu kɔkɔi jĩi ndii sɛni iyi í wa Saananimu, nɔ í too Adami-Nekɛbu do Yabuneɛli hee ku bɔ Lakumu, nɔ í koo í kpa iri si idoi Zuudɛ̃ɛu.

³⁴ Do ikpa nunui alɛ kɔɔu í sinda í bɔ ikpa Azinɔti-Tabɔɔ, hai bɛ nɔ í mɔsi í nɛ Hukoku, nɔ í koo í kãsi ilɛi dimii Zabulɔ̃ɔ ŋa do ikpa awɔ cangai kpãai inunu. Nɔ í nɛ ikpa ilɛi dimii Azɛɛ ŋa mɔ má do ikpa nunui alɛ. Nɔ í koo í kãsi ilɛi dimii Zudaa ŋa mɔ, nɔ idoi Zuudɛ̃ɛ í wa ikpa nunui daakɔ.

³⁵ Ilu ŋa iyi à jɛ ilu ku nɛ gbugbã ŋa wee. Sidimu do Sɛɛ do Amati do Raka do Kinerɔti

³⁶ do Adama do Rama do Hasɔɔ

³⁷ do Kedɛsi do Ederei do Eni-Hasɔɔ

³⁸ do Yireɔ̃ɔ do Migidali-Eli do Horɛmi do Bɛti-Anati do Bɛti-Semɛsi. Fei sãa sãa í ce ilu mɛɛwa do mɛɛsã do ilɛɛko nŋa ŋa.

³⁹ Si ikpɛ̃u ilu ŋa iyi à jɛ ti nyaanzei dimii Nɛfitali ŋa mbɛ.

Ilɛi dimii Dãa ŋa

⁴⁰ Ikpɛ̃ mɛɛjesia iyi à ce si kpasa iyi à tau ti tɔkui Dãa ŋai si bɛi nyaanze nŋa ŋa à to fei.

⁴¹ Aŋai à nɛ hai Sorea hee ku bɔ Esetaɔlu do Iri-Semɛsi

⁴² do Salabɛ̃ɛ do Ayalɔ̃ɔ do Yitila

⁴³ do Elɔ̃ɔ do Timunata do Ekorɔ̃ɔ

⁴⁴ do Eliteke do Gibetɔ̃ɔ do Baalati

⁴⁵ do Yehudi do Bene-Beraki do Gati-Rimɔɔ

⁴⁶ do idoi Yaakɔ̃ɔ do Rakɔ̃ɔ do ilɛ iyi í wa wajui Zopeeu.

⁴⁷ Inɛi Dãa ŋau à yɛ iyi inɛ ŋa à waa gba ilɛi aŋa. Ŋɔi à koo à ce igũ si ilui Lesɛmu, à gba iluu nɔ à kpa inɛɛ ŋa do taakuba. Ŋɔi à koo à buba si inyau nɔ à sɔɔ Dãa bɛi à ya kpe bala nŋau.

⁴⁸ Iyi í jɛ tubui dimii Dãa ŋa mbɛ si bɛi nyaanze nŋa ŋa à to. Aŋai à nɛ ilu ŋau bɛ do ilɛɛko nŋa ŋa fei.

Ikpɛ̃ iyi í jɛ ti Zozue

⁴⁹ Inɛi Izirɛli ŋau à ce ikpɛ̃i ilɛu fei sãa sãa. Iyi à ce ikpɛ̃u à tã, ŋɔi à na Zozue amai Nunuu mɔ iyi í jɛ tɛɛ si anini nŋa bɛ.

⁵⁰ Ilu iyi nŋu takaɛ í bii à naa, domi bɛɛbɛi Aɔ̃ Lafɛ̃ɛ í fɔ. Ilu iyi à naaui à ya kpe Timuna-Sera. Si iri kutai Efaraimuui í wa. Ŋɔi Zozue í teese í ma iluu nɔ í buba bɛ.

⁵¹ Yaase bɛi Eleazaa woo weeu do Zozue amai Nunu do inɛ ngboi kpasɛ̃ ŋau à kpɛ̃a inɛi Izirɛli ŋau ilɛu mbɛ. Kpasai à ta à ceò ikpɛ̃u anu ile bi kukou si wajui Aɔ̃ Lafɛ̃ɛu ilui Siloo. Si bɛɛbɛi à ceò ikpɛ̃i ilɛu à kpa iriɛ.