Zozue 15 - Bibeli do fee

Ilɛ iyi à kpɛ̃a inɛi Zudaa ŋa

^1-3 Ilɛ iyi à kpɛ̃a dimii Zudaa ŋa si nyaanze nŋa ŋa si kpasa iyi à tau wee. Kɔɔɛ í sintii hai kɔɔi Tenku ku da Imuu do ikpa nunui daakɔ ikpa kɔɔi ilɛi Edɔmu nɔ í lɔi do ikpa geetei Akarabimu do ikpa awɔ cangai kpãai inunu hee ku bɔ gbaai Sini. Hai gbaai Siniu bɛ nɔ í too do ikpa Kadɛsi-Baanea do ikpa awɔ cangai kpãai inunu má, nɔ í sinda í bɔ ikpa Hɛsirɔ̃ɔ hee ku bɔ Adaa do Kaaka.

⁴ Si anyiɛ nɔ í mɔsi ikpa Asimɔɔ nɔ í koo í lɔ si fatamai Ezibiti hee í koo í kãsi Tenku Nlau. Tengi bii kɔɔi Zudaa í lɔ mbɛ ikpa awɔ cangai kpãai inunu.

⁵ Do ikpa nunui daakɔ, kɔɔu í wai ikpa bi Tenku ku da Imuu hee ku bɔ ikpa bii idoi Zuudɛ̃ɛu í ya maa dikã siu. Hai inya akãu bɛi ti ikpa awɔ njɛi kpãai inunuu mɔ í sinti.

⁶ Hai bɛ nɔ í gũ í bɔ ikpa Bɛti-Hogula, nɔ í lɔ do anyii Bɛti-Araba má do ikpa awɔ njɛi kpãai inunu nɔ í mɔsi hee ikpa kutai Bohãa. Bohãau inɛ akãi amai Rubɛ̃ɛ ŋai.

⁷ Hai bɛ, kɔɔu í too lɔɔmai Akɔɔ hee ku bɔ Debii, nɔ í sinda í bɔ ikpa Giligali iyi í wa tengii geetei Adumimuu suusuu kɔkɔi acãi inyiu. Do ikpa awɔ cangai kpãai inunui acãi inyiui í wa. Nɔ í lɔ do ikpa bi inyii Eni-Semɛsiu nɔ í bɔ hee Eni-Rogɛli.

⁸ Nɔ hai bɛ kɔɔu í nɛ ikpa lɔɔmai Hinɔmu do ikpa cingaai Zebusi iyi í jɛ Zeruzalɛmu do ikpa awɔ cangai kpãai inunu, nɔ í bɔ hee antaii iri kuta iyi í wa do wajui lɔɔmai Hinɔmu ikpa nunui alɛu, hee do kɔɔi lɔɔmai inɛi Refai ŋa.

⁹ Hai antaii iri kutau nɔ í nɛ hee ikpa isɔ̃i Nɛfutoa nɔ í mɔsi hee ikpa ilu ŋa iyi à wa kɔkɔi iri kutai Eforɔ̃ɔu, nɔ í bɔ hee Baala iyi à ya kpe Kiria-Yarimuu.

¹⁰ Hai Baalau nɔ í sinda í bɔ ikpa nunui alɛ ikpa iri kutai Seiiu. Hai bɛ má nɔ í kua ikpa awɔ njɛi kpãai inunu í nɛ hee iri kutai agbo ŋa iyi à ya nyi a kpe Kesalɔ̃ɔ má, nɔ í kita wa ikpa Bɛti-Semɛsi í too do ikpa Timuna.

¹¹ Nɔ í mɔsi do ikpa geete iyi í wa do ikpa awɔ njɛi kpãai inunui ilui Ekorɔ̃ɔ, nɔ í bɔ do ikpa Sikarɔ̃ɔ nɔ í nɛ do ikpa iri kutai Baalau nɔ í mɔsi hee Yabuneɛli, nɔ wa bɔ ku dasi Tenku Nla iyi à ya kpe Mediteraneeu.

¹² Tenku Nlaui í jɛ kɔɔɛ do ikpa nunui alɛ. Yaase bɛi à nya kɔɔi ilɛ iyi à kpɛ̃a dimii Zudaa ŋa mbɛ, si bɛi nyaanze nŋa ŋa à to.

¹³ Ŋɔi à na Kalɛbu amai Yɛfune ikpɛ̃ɛ si inɔi inɛi Zudaa ŋa si bɛi Aɔ̃ Lafɛ̃ɛ í sɔ̃ Zozue wo. À naa Kiria-Aaba iyi à ya kpe Eborɔ̃ɔ si nsɛi. Aabau nŋui í jɛ balai inɛi Anaku ŋa.

¹⁴ Ama inɛmɔkɔ mɛɛtai Aaba ŋa iyi à ya kpe Sesai do Ahimaa do Talimai, aŋai à na à jɛ dimi mɛɛtai inɛi Anaku ŋau. Nɔ Kalɛbu í lele dimi mɛɛta ŋau.

¹⁵ Hai bɛ nɔ í koo si inɛi ilui Debii ŋau igũ. Debiiui à ya tako à kpe Kiria-Sefɛɛ.

¹⁶ Nɔ Kalɛbu í ni inɛ iyi í yɔkɔ í jɛ ilui Kiria-Sefɛɛu igũ, nŋu á mua lafɛ̃ɛ ama inaaboi nŋu Akisa ku gbaa abɔdɔ̃.

¹⁷ Ŋɔi Otiniɛli amai Kenazi iyi wa jɛ ifɔi Kalɛbuu í jɛ inɛ ŋau igũ nɔ Kalɛbu í so ama inaaboɛu í naa í gbaa abɔdɔ̃.

¹⁸ Waati iyi Akisa í to bi Otiniɛli, ŋɔi í sɔ̃ɔ í ni koo tɔɔ baai nŋu ilɛ. Ŋɔi à koo. Iyi à to bɛ, ŋɔi abou í kita hai si antaii gbankɛlɛɛu. Iyi Kalɛbu í yɔɔ gbakã ŋɔi í beeɛ í ni, mii ì bi.

¹⁹ Ŋɔi í jɛaa í ni, ceem amua, domi ilɛ iyi ì tako ì nam ikpa awɔ cangai kpãai inunuu bɛ kù nɛ mandi. Nam inya iyi í nɛ inyi. Nɔ Kalɛbu í naa inya iyi í nɛ isɔ̃ ŋa si iri kuta do si lɔɔmaɛ.

²⁰ Nŋu bɛi í jɛ tubui dimii Zudaa ŋa iyi à ba si ikpɛ̃u si bɛi nyaanze nŋa ŋa à to.

²¹ Ilu ŋa iyi à wa do ikpa awɔ cangai kpãai inunu ikpa kɔɔi ilɛi Edɔmu wee. Kabuseɛli do Edɛɛ do Yaguu

²² do Kina do Dimɔna do Adada

²³ do Kedɛsi do Hasɔɔ do Itinaa

²⁴ do Zifu do Telɛmu do Bealɔtu

²⁵ do Hasɔɔ-Hadata do Keriɔti-Hɛsirɔ̃ɔ iyi à ya kpe Hasɔɔ má

²⁶ do Amamu do Sema do Molada

²⁷ do Hasaa-Gada do Hɛsimɔɔ do Bɛti-Pelɛti

²⁸ do Hasaa-Suali do Bɛɛseba do ilu ŋa iyi à wa amɛɛ bɛ

²⁹ do Baala do Iyimu do Esɛmu

³⁰ do Elitoladi do Kesili do Ɔɔma

³¹ do Sikilagi do Madimana do Sansana

³² do Lebaɔti do Silimu do Aini do Rimɔɔ. Ilu nla ŋau fei sãa sãa à dedei kɔnfia do mɛɛsã, baai ilui ilɛɛko ŋa iyi à kaako ŋa ŋau baasi.

³³ Ilu ŋa iyi à wa si lɔɔmau mɔ wee. Esetaɔlu do Sora do Asena

³⁴ do Zanoa do Eni-Ganimu do Tapua do Enamu

³⁵ do Yamuti do Adulamu do Soko do Azeka

³⁶ do Sarimu do Aditaimu do Gedera do Gederotaimu. Fei ndɛɛ í cei ilu nla maatɛ̃ɛ do ilɛɛko nŋa ŋa fei.

³⁷ Bɛɛbɛ mɔi Senaa í wa bɛ do Hadasa do Midali-Gadi

³⁸ do Dilãa do Misipe do Yɔkuteɛli

³⁹ do Lakisi do Bosikati do Egolɔ̃ɔ

⁴⁰ do Kabɔ̃ɔ do Lakemasi do Kitilisi

⁴¹ do Gederɔti do Bɛti-Dagɔ̃ɔ do Naama do Makeda. Aŋa mɔ à ce ilu nla maatũ do akã do ilɛɛko nŋa ŋa fei.

⁴² Libuna mɔ í wa bɛ do Etɛɛ do Asãa

⁴³ do Yifutasi do Asena do Nɛsibu

⁴⁴ do Keila do Akizibu do Maresa. Nŋu mɔ í ce ilu nla mɛɛsã do ilɛɛkoɛ ŋa.

⁴⁵ Nɔ à ba ilui Ekorɔ̃ɔ má do ilɛɛkoɛ ŋa.

⁴⁶ Hai Ekorɔ̃ɔ hee ku bɔ nunui alɛu, ilu nla ŋa iyi à wa kɔkɔi Asidodi do ilɛɛko nŋa ŋa wee.

⁴⁷ Asidodi do Gaza do ilɛɛko nŋa ŋau hee ku bɔ bi idoi Ezibitiu, nɔ ku bɔ bi Tenku Nla iyi í jɛ kɔɔu.

⁴⁸ Ilu nla ŋa iyi à wa si antaii iri kutau wee. Samii do Yatii do Soko

⁴⁹ do Dana do Kiria-Sana iyi à ya kpe Debii

⁵⁰ do Anabu do Esitemɔa do Animu

⁵¹ do Gosɛni do Holɔ̃ɔ do Gilo. Nŋu mɔ í ce ilu nla maatakã do ilɛɛko nŋa ŋa.

⁵² Nɔ Arabu mɔ í wa bɛ do Duma do Eseãa

⁵³ do Yanumu do Bɛti-Tapua do Afeka

⁵⁴ do Humeta do Kiria-Aaba iyi à ya kpe Eborɔ̃ɔ do Siɔɔ. Nŋu mɔ í ce ilu nla mɛɛsã do ilɛɛko nŋa ŋa.

⁵⁵ Maɔ̃ɔ mɔ í wa si do Kaamɛli do Zifu do Yuta

⁵⁶ do Yizireɛli do Yokideamu do Zanoa

⁵⁷ do Kaɛ̃ɛ do Gibea do Timuna. Nŋu mɔ í ce ilu nla mɛɛwa do ilɛɛko nŋa ŋa.

⁵⁸ Si antaiɛ ilui Haluli í wa bɛ do Bɛti-Suu do Gedɔɔ

⁵⁹ do Maarati do Bɛti-Anɔti do Elitekɔ̃ɔ. Nŋu mɔ í ce ilu nla mɛɛfa do ilɛɛkoɛ ŋa.

⁶⁰ Kiria-Baali iyi à ya kpe Kiria-Yarimuu mɔ í wa si do Raba. Nŋu mɔ í ce ilu nla minji do ilɛɛko nŋa ŋa.

⁶¹ Ilu ŋa iyi à wa si gbaau wee. Bɛti-Araba do Midɛ̃ɛ do Sekaka

⁶² do Nibusãa do Iri-Mela do Eni-Gedi. Nŋu mɔ í ce ilu nla mɛɛfa do ilɛɛko nŋa ŋa.

⁶³ Tɔkui Zudaa ŋau a kù yɔkɔ a kù lele inɛi Zebusi ŋa iyi à wa ilui Zeruzalɛmu, nɔ inɛ ŋau à wa si iluu do inɛi Zudaa ŋa hee do nnyi fei.