Zozue 12 - Bibeli do fee

Ilaalu ŋa iyi inɛi Izirɛli ŋa à jɛ igũ

¹ Inɛi Izirɛli ŋau à jɛ ilaalu minji ŋa iyi ilɛ nŋa í wa do ikpa nunui daakɔi idoi Zuudɛ̃ɛu igũ. Nɔ à gba ilɛ ŋa iyi à wa si lɔɔmai idoi Zuudɛ̃ɛu do ikpa nunui daakɔ hai bi acãi inyii Aanɔɔ hee ku bɔ iri kutai Hɛɛmɔɔu.

² Inɛ sinteui í jɛ Sioni ilaalui inɛi Amɔre ŋa iyi í wa Hɛsebɔ̃ɔ. Nŋui í nɛ bubui lɔɔmai Aanɔɔ hai ilu iyi à ya kpe Aroɛɛ kɔkɔi acãi inyii Aanɔɔu, ku koo si aninii acãi inyiu, do bubui ilɛi Galaadi hee ku bɔ acãi inyii Yabɔku iyi í jɛ kɔɔ nŋa do inɛi Amɔɔ ŋa.

³ Nŋui í nyi í nɛ hai lɔɔmau má hee ku bɔ ikpa tenkui Kinerɔti do ikpa nunui daakɔu hee ku koo si Tenku ku da Imu iyi í wa kɔkɔi Bɛti-Yesimɔti, do ilɛ iyi í wa ikpa awɔ cangai kpãai inunu kɔkɔi iri kuta gɔ iyi à ya kpe Pisigaa.

⁴ Inɛ minjisiau nŋui í jɛ Ɔgu ilaalui Basãa. Nŋui í jɛ inɛ akãi inɛi Refai ŋa iyi à gbeu. Asitarɔti do Edereii í jɛ ideɛ.

⁵ Nŋu mɔi í nɛ hai iri kutai Hɛɛmɔɔ do Salika do ilɛi Basãa fei hee ku bɔ tengi bii í jɛ kɔɔ nŋa do inɛi Gesuu ŋa do inɛi Maakati ŋa do bubui ilɛi Galaadi hee ku bɔ kɔɔi ilɛi Sioni ilaalui Hɛsebɔ̃ɔ.

⁶ Moizi woo ce icɛi Aɔ̃ Lafɛ̃ɛ do inɛi Izirɛli ŋa à jɛ ilaalu minji ŋau bɛ igũ nɔ Moizi í kpɛ̃a dimii Rubɛ̃ɛ do dimii Gadi do bubui dimii Manasee ŋa ilɛi inɛ ŋau.

⁷ Ilaalu ŋa iyi Zozue do inɛi Izirɛli ŋau à jɛ igũ do ikpa icei idoi Zuudɛ̃ɛ ikpa nunui alɛu, ilɛ nŋa ŋa í sintii hai Baali-Gadi si lɔɔmai Libãa hee ku bɔ iri kuta bii nkãma ci ya fita iyi í wa kɔkɔi Seii. Ŋɔi Zozue í kpɛ̃a inɛi Izirɛli ŋa ilɛu nɔ dimi fei í ba titɛɛ.

⁸ Inya ŋau wee si iri kuta ŋai à wa, do si lɔɔma ŋa do si fatama ŋa do si geete ŋa. Gɔgɔ ŋa mɔ si gbaai à wa do ikpa awɔ cangai kpãai inunu. Ilɛu ilɛi inɛi Hɛti ŋai do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

⁹ Ilaalu ŋa iyi à jɛ igũ ŋau wee. Ilaalui Zeriko do ilaalui Ai iyi í wa kɔkɔi Betɛli

¹⁰ do ilaalui Zeruzalɛmu do ilaalui Eborɔ̃ɔ

¹¹ do ilaalui Yamuti do ilaalui Lakisi

¹² do ilaalui Egolɔ̃ɔ do ilaalui Gezɛɛ

¹³ do ilaalui Debii do ilaalui Gedɛɛ

¹⁴ do ilaalui Ɔɔma do ilaalui Aradi

¹⁵ do ilaalui Libuna do ilaalui Adulamu

¹⁶ do ilaalui Makeda do ilaalui Betɛli

¹⁷ do ilaalui Tapua do ilaalui Efɛɛ

¹⁸ do ilaalui Afɛki do ilaalui Sarɔ̃ɔ

¹⁹ do ilaalui Madɔ̃ɔ do ilaalui Hasɔɔ

²⁰ do ilaalui Simirɔ̃ɔ-Merɔ̃ɔ do ilaalui Akesafu

²¹ do ilaalui Tanaki do ilaalui Mɛgido

²² do ilaalui Kedɛsi do ilaalui Yokineamu iyi í wa iri kutai Kaamɛli

²³ do ilaalui Dɔɔ iyi í wa iri kutai Dɔɔ ŋau do ilaalui Goyimu iyi í wa kɔkɔi Giligaliu

²⁴ do ilaalui Tirisa. Ilaalu ŋau à koo à dede fei sãa sãa aŋa kuntaa do akã.