Iri ku kɔ̃ 93 - Bibeli do fee

Aɔ̃ Lafɛ̃ɛi í jɛ ilaalu

¹ Aɔ̃ Lafɛ̃ɛi í jɛ ilaalu, í dasi jĩnɛi ilaalu ŋa. Gbugbãɛ í kaakoɛi bɛi kungbã. Do yaase bɛɛbɛ ilɛ í nɛ gbugbã, nɔ kaa cuku.

² Aɔ̃ Lafɛ̃ɛ, bommaɛ í wɛɛi hai ku kpɛ, nɔ á maa wɛɛi hee do ajɔ fei.

³ Hai ku kpɛ, ido nla ŋau à ya maa dɔ̃ anui. À ya maa dɔ̃ anui hee lele, nɔ à kɔ̀ à waa dɔ̃ anu hee nsɛi.

⁴ Aɔ̃ Lafɛ̃ɛ, kulaɛ í re ido nla ŋau, nɔ kulaɛ í re kutãngãm dii tenku ŋau. Lelei Aɔ̃, awɔi ì jɛ inɛ ngboi inɛ fei.

⁵ Aɔ̃ Lafɛ̃ɛ, woodaɛ ŋa fei ntɔi. Kpasɛ̃ɛ í nɛ ku jɛ kpasɛ̃ iyi í mái hee do ajɔ fei.