Iri ku kɔ̃ 92 - Bibeli do fee

Aɔ̃ Lafɛ̃ɛ ku cĩ, mii jiidai

1 Iriu ihɛ̃ à ya kɔ̃ɔi si ajɔi kusĩmi .

¹ Iriu ihɛ̃ à ya kɔ̃ɔi si ajɔi kusĩmi.

² Aɔ̃ Lafɛ̃ɛ, awɔ iyi ì wa lele, inɔ didɔ̃i á jɛ ti inɛ ŋa iyi à waa cĩɛ, nɔ à kɔ̃ iri à waa naɛ bɛɛrɛ.

³ Daakɔ fei à ya maa fɔ jiida ku jɛɛi nɔ idũ mɔ, dee dee ku jɛɛ,

⁴ do kundigi ilu ikũ mɛɛwa, do imui kitigbo do mɔɔlɔ ŋa.

⁵ Aɔ̃ Lafɛ̃ɛ, mii iyi ì ceem, í jɔ̀ ǹ nɛ inɔ didɔ̃. Nɔ do inɔ didɔ̃i an maa n dɔ̃ anu na mii iyi ì ce.

⁶ Aɔ̃ Lafɛ̃ɛ, icɛi awɔɛ ŋa í la nɔ lasabuɛ ŋa í jĩisa í caa.

⁷ Nnyɛi ci ya mà nkãma si icɛ ŋa iyi Ilaaɔ̃ wa ce, nɔ hai nɛ yaase ci ya nɛ laakai ku màò icɛ ŋa iyi Ilaaɔ̃ wa ce.

⁸ Ilu inɔ kukã ŋa à ya maa lai bɛi fɔfɔ, woo ce laalɔ ŋa à ya maa bɔ wajui. Amma nfe ku cei í ya na ku kpa iri nŋa anu akã.

⁹ Awɔ Aɔ̃ Lafɛ̃ɛ iyi ì wa lelei ì jɛ Aɔ̃ Lafɛ̃ɛ do ajɔ fei.

¹⁰ Aɔ̃ Lafɛ̃ɛ, mbɛɛɛ ŋau aa ce nfei. Woo cea inɛ ŋa laalɔ ŋau fei, aa fangaai.

¹¹ Awɔi ì muum gbugbã bɛi ti ifã, nɔ ì nikã sim ikpo ku dɔ̃ inunu jiida gɔ.

¹² Ijum í wai si mbɛɛm ŋa nɔ itĩm wa gbɔ ibai inɛ laalɔ ilu gbugbã ŋa iyi à dede sim wau.

¹³ Inɛ dee dee ŋa à ya lai bɛi jĩi ndii kpakpa. À ya dedei bɛi jĩi ndii Libãa gɔ iyi à ya kpe sɛɛdi.

¹⁴ À lɛ ŋai si kpasɛ̃i Aɔ̃ Lafɛ̃ɛ, nɔ à wa si bantumai Ilaaɔ̃ Lafɛ̃ɛ nwa.

¹⁵ Baa do iyi à gbo fei, ara nŋa wa sĩa nɔ wua nŋa wa tũ nɔ à waa so.

¹⁶ Iyi bɛi á nyisi iyi Aɔ̃ Lafɛ̃ɛi í jɛ dee dee, nŋui í jɛ kuta bi ku manjim, nɔ laalɔ kù wa siɛ.