Iri ku kɔ̃ 87 - Bibeli do fee

Ilaaɔ̃ í bi ilui Siɔ̃ɔ

1 Iriu ihɛ̃ ti amai Kore ŋai.

¹ Iriu ihɛ̃ ti amai Kore ŋai. Aɔ̃ Lafɛ̃ɛ í jilɛ icui ilui Zeruzalɛmui si iri kuta iyi í nya ikã í jɛ titɛɛu.

² Aɔ̃ Lafɛ̃ɛ í nɛ kubii Siɔ̃ɔ í re bii tɔkui Zakɔbu ŋa à wa fei.

³ Awɔ Zeruzalɛmu ilui Ilaaɔ̃, à waa fɔ idei amboe iyi ì nɛ fei. Kusĩmi.

⁴ Aɔ̃ Lafɛ̃ɛ í ni, inɛ ŋa iyi à màm, irii ilɛ nŋa ŋa wee. Ezibiti do Babilɔni do Filisi do Tii do Etiopi. Si ilɛ ŋau bɛi à bí ŋa.

⁵ Amma si gãmɛi Siɔ̃ɔ à ni, bɛi à bí aŋa fei. Aɔ̃ Lafɛ̃ɛi leleui í jilɛ icuɛ.

⁶ Aɔ̃ Lafɛ̃ɛ í kɔ irii dimi ŋa si tiaɛ nɔ í ni, Siɔ̃ɔi à bí ŋa. Kusĩmi.

⁷ Woo kɔ̃ iri ŋa do woo jojo ŋa fei, à dɔ̃ anu si gãmɛi Zeruzalɛmu ilui Ilaaɔ̃ à waa ni, awɔi ì jɛ isɔ̃i awa fei.