Iri ku kɔ̃ 82 - Bibeli do fee

Ilaaɔ̃i á kiiti awa fei

1 Iriu ihɛ̃ ti Azafui.

¹ Iriu ihɛ̃ ti Azafui. Ilaaɔ̃ í wa si inɔi inɛɛ ŋa, nɔ wa kiiti si aninii inɛi lelei Aɔ̃ ŋa, í ni,

² hee waati yoomai aa maa mɔsi do kiiti hai jɛ dee dee ku ce ŋa nɔ i maa na ilu taale ŋa ntɔ ŋa. Kusĩmi.

³ I jɔ̀ hai nɛ gbugbã ŋa do kɔyɔ ŋa a ba ntɔ ŋa. I na ilu are ŋa do inɛ ŋa iyi à waa taa gbugbã ŋau ntɔ ŋa.

⁴ I faaba hai nɛ gbugbã do ilu are ŋau ŋa. I gba ŋa hai si awɔi ilu inɔ kukã ŋau ŋa.

⁵ A kù nɛ kumà, hee má jɛ bisi. À waa nɛi si ilu kuku. Iyi bɛi í jɔ̀ icui ilɛ wa yaga.

⁶ Nɔ ǹ fɔ ǹ ni, iŋɛ amanɛ ŋa, iŋɛ mɔ Ilaaɔ̃i. Iŋɛi ì jɛ amai Ilaaɔ̃ iyi í wa leleu.

⁷ Do nŋu fei, iŋɛ mɔ aa ku ŋai bɛi amanɛ. Aa cuku ŋai bɛi amanlu baa yooma fei.

⁸ Ilaaɔ̃, dede i kiiti andunyau, domi awɔi ì nɛ inɛi ilɛ ŋau fei.