Iri ku kɔ̃ 81 - Bibeli do fee

Bii inɛm ŋa à gbɔ idem wo

¹ Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ.

² I dɔ̃ anu do inɔ didɔ̃ ŋa na Aɔ̃ Lafɛ̃ɛ iyi í jɛ ilu gbugbã nwa. I dɔ̃ anu do inɔ didɔ̃ ŋa na Ilaaɔ̃ Lafɛ̃ɛi Zakɔbu.

³ I kɔ̃a iri, i cãa bata ŋa. I cũu do mɔɔlɔ ŋa, nɔ i fãa yee ŋa.

⁴ Si cukpa titɔ̃, i fãa kuu ŋa. Si anyiɛ, bii cukpa í má ilɛ si ajɔi jingauu i fã kuu ŋau má ŋa,

⁵ domi wooda gɔi iyi à jilɛa inɛi Izirɛli ŋa, nɔ wooda gɔi iyi wa naa hai bi Ilaaɔ̃ Lafɛ̃ɛi Zakɔbu.

⁶ Wooda gɔi iyi í na inɛi kpasɛ̃i Zozɛfu ŋa waati iyi í bɔ inɛɛ ŋa ku nya hai ilɛi Ezibiti. Í ni, ǹ gbɔ ide ku fɔ gɔ iyi n kù mà.

⁷ Ide ku fɔu í ni, ǹ sɔ̀aa aso hai si kɔngɔɛ, nɔ ǹ nya awɔɛ ŋa hai si icɛ kugaabu ŋau.

⁸ Si wahala ì dɔ̃ anu, nɔ ǹ faabaɛ. Ǹ jɛɛ wai hai si kulai ijĩ. Ǹ cɔ laakaiɛi kɔkɔi idoi Meribai. Kusĩmi.

⁹ Iŋɛ inɛi Izirɛli inɛm ŋa, bii ì sotĩ ì gbɔ ide iyi ǹ sɔ̃ ŋɛ wo,

¹⁰ i kù nɛ i jɔ̀ iwɛ̃ gɔ ku wa bi tu ŋɛ hee i gulɛ i maa tɔɔɛ ŋa.

¹¹ Amui ǹ jɛ Aɔ̃ Lafɛ̃ɛ nŋɛ, iyi í nya ŋɛ wa hai ilɛi Ezibiti. I cĩ gɛlɛ nŋɛ nɔ n na ŋɛ sɔnda i jɛ ŋa.

¹² Amma inɛi Izirɛli inɛm ŋau a kù de sim itĩ. nɔ a kù bi baa ku màm.

¹³ Na ŋɔi í ce ǹ jɔ̀ ŋa a cica si idɔ nŋa, a ce iyi à lasabu.

¹⁴ Bii inɛm ŋa à de sim itĩ wo, bii inɛi Izirɛli ŋa à too kpãam wo,

¹⁵ anu akãi an kɛkɛ mbɛɛ nŋa ŋa, aŋa iyi à waa tɛɛsɛ ŋa ŋau n kpa ŋa.

¹⁶ Inɛ ŋa iyi à jɛ mbɛɛi Aɔ̃ Lafɛ̃ɛu, aa fũsi faau nŋa fei awɔ nɔ inɛi Izirɛli ŋau aa maa wɛɛi si laakai ku sũ do ajɔ fei.

¹⁷ Aɔ̃ Lafɛ̃ɛ á wò Izirɛli do bilee jiida, nɔ ku jɔ̀ ku jɛ nyikɔ̃ hee ku yo.