Iri ku kɔ̃ 8 - Bibeli do fee

Amboei Aɔ̃ Lafɛ̃ɛ do kulai amanɛ

¹ Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do mɔɔlɔ.

² Aɔ̃ Lafɛ̃ɛ nwa, iriɛ í nɛ bɛɛrɛ si andunyau fei. Inya kumái amboeɛ í re ti lelei Aɔ̃.

³ Do ide ku fɔi ama keeke ŋai ì ya nyisiò gbugbã nlaɛ si wajui mbɛɛɛ ŋa nɔ do yaase bɛɛbɛi ì ya jɔ̀ inɛ ŋa iyi à waa kɔ̀ ide ŋau a ce nfe.

⁴ Ǹ cɔ lele iyi ì ce do awɔɛ, ǹ yɛ cukpa do leleaɔ̃ ŋa iyi ì jilɛ bɛ,

⁵ ǹ biti, ǹ bee aram ide ǹ ni, mii í jɛ amanɛ hee i maa i ye gigiɛ. Yooi í jɛ amai amanɛ hee i maa gbɔaa.

⁶ Wee ì nɔ ì jɔ̀ í la í maai si amaleka ŋa, nɔ ì jɔ̀ í nɛ amboe do bɛɛrɛ.

⁷ Ì jɔ̀ í jɛ inɛ ngboi mii iyi ì ce fei. Nɔ ì jɔ̀ í nɛ gbugbã si mii fei.

⁸ Angudã ŋa, do kɛtɛ ŋa, hee do mɛɛmui sako ŋa,

⁹ do yɛi ŋa, do cɛ̃ɛ ŋa si tenku hee do mii ŋa iyi à wa si inɔ inyi fei, nŋui í jɛ inɛ ngbo nŋa.

¹⁰ Aɔ̃ Lafɛ̃ɛ nwa, iriɛ í nɛ amboei si andunyau fei.