Iri ku kɔ̃ 61 - Bibeli do fee

Kpasɛ̃ɛi ǹ bi n maa n wa ajɔ fei

¹ Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do mɔɔlɔ.

² Ilaaɔ̃, gbɔ anu ku dɔ̃m nɔ i de itĩ si kutɔɔm.

³ Ilaaɔ̃, hee kɔɔi andunya, waati iyi ǹ kua gbugbã, awɔi ǹ dɔ̃ si anu. Bɔòm si kuta iyi n kaa n yɔkɔ n gũ.

⁴ Awɔi ì jɛ bi ku manjim. Awɔi ì jɛ bindi ku nɛ gbugbã si wajui mbɛɛu.

⁵ Ǹ bi n maa n wai si kpasɛ̃ɛ do ajɔ fei, ku ba i biim do ikpaɛ ŋa. Kusĩmi.

⁶ Awɔ Ilaaɔ̃, ì gbɔ mii ŋa iyi ǹ wa n tɔɔɛ. Ì nam mii iyi ì ya na inɛ ŋa iyi à waa jirimaɛ ŋau.

⁷ Kɔ̃ɔsi kukpɔi adɔ̃i ilaalu, nɔ i jɔ̀ ku mɔsi ku maa koo.

⁸ Jɔ̀ ku maa buba si kitãi bommau si wajuɛ hee do ajɔ fei, nɔ jiida ku jɛɛ do ntɔɛ ku maa degbeɛ.

⁹ Ntɔ ntɔ, an kɔ̃ irii n maa n naɛ bɛɛrɛ ajɔ fei, ku ba n maa n kɔ̃ kuwãm ŋa ajɔ do ajɔ.