Iri ku kɔ̃ 53 - Bibeli do fee

Inɛ fei í bɛjɛi

¹ Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do yee.

² Nnyɛi í ya fɔi si idɔɛ ku ni, Ilaaɔ̃ kù wɛɛ. Inɛ dimi bɛɛbɛ ŋa à bɛjɛi. Aŋa fei mii laalɔ do mii iyi kù jɛ dee deei à waa ce. Inɛ kãma kù wɛɛ iyi wa ce jiida.

³ Ilaaɔ̃ wa cɔ inɛ ŋa wa hai lele ku ba ku yɛ bii ilu laakai gɔ í wɛɛ iyi wa dɛdɛɛ.

⁴ Amma kù yɛ, aŋa fei à jĩòɛi, aŋa fei à bɛjɛi. Inɛ gɔ kù wɛɛ si inɔ nŋa iyi wa ce jiida baa akã.

⁵ Ŋɔi Ilaaɔ̃ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

⁶ Aa maa yayai do njo nɔ a kaa mà mii iyi í jɔ̀ njou wa mu ŋa. Ilaaɔ̃i á fangaa kũkũi inɛ ŋa iyi à waa ce igũ do awɔ. Aa dasi ŋa anyɔi domi Ilaaɔ̃ í fũsi ŋa awɔ.

⁷ Ǹ bi faaba ku naai si inɛi Izirɛli ŋa hai Siɔ̃ɔ wa. Waati iyi Ilaaɔ̃ á baaò inɛ ŋa iyi à mu aru ŋau wa, dimii Zakɔbu ŋa do inɛi Izirɛli ŋau fei aa wa si inɔ didɔ̃.