Iri ku kɔ̃ 47 - Bibeli do fee

I dakpɛa Aɔ̃ Lafɛ̃ɛ ilaalu nlau ŋa

¹ Iriu ihɛ̃ ti inɛ ngboi woo kɔ̃ iri ŋai do amai Kore ŋa.

² Iŋɛ inɛi andunya ŋa fei i dakpɛa Ilaaɔ̃ ŋa, i dɔ̃a Ilaaɔ̃ anu do inɔ didɔ̃ ŋa,

³ domi Aɔ̃ Lafɛ̃ɛ nŋu iyi í wa hee lele í to à ce njoɛ. Nŋui í jɛ ilaalu nla si andunya fei.

⁴ Nŋui í ya da nwa inɛ ŋa si awɔ, nɔ ka tɛɛsɛ ŋa do kutɛ.

⁵ Í cica nwa ilɛu í jɛ tubu nwa. À nɛ si inɔ didɔ̃ ntɔ ntɔ awa iyi à jɛ tɔkui Zakɔbu ŋa iyi í biu. Kusĩmi.

⁶ Aɔ̃ Lafɛ̃ɛ wa lɔ wa si ilui Siɔ̃ɔ do anu ku dɔ̃i kuu ŋa.

⁷ I kɔ̃ iri na bɛɛrɛi Ilaaɔ̃ ŋa, i kɔ̃ iri. I kɔ̃ iri na bɛɛrɛi ilaalu nwa ŋa, i kɔ̃ iri,

⁸ domi Ilaaɔ̃i wa jɛ ilaalu si andunya fei, i kɔ̃a iri jiida ŋa.

⁹ Ilaaɔ̃ wa buba si kitãi bomma kumáɛ, nŋui wa mu dimi fei.

¹⁰ Ilaalui ilɛ ŋa à tɔtɔɔ do inɛi Ilaaɔ̃ Lafɛ̃ɛi Aburahamu ŋa, domi inɛ ŋa iyi à waa mu ilɛ ŋa Ilaaɔ̃i í re aŋa fei.