Iri ku kɔ̃ 43 - Bibeli do fee

¹ Aɔ̃ Lafɛ̃ɛ, kiitim nɔ i jɔ̀ n ba ntɔ. Kɔ̀ɔm bi inɛ ŋa iyi a kù jɛ dee dee. Nyam hai si awɔi ilu ibo ŋa do inɛ laalɔ ŋa.

² Aɔ̃ Lafɛ̃ɛ, awɔ iyi ì jɛ bi ku manjim, na mii í jɔ̀ ì kɔ̀sim. Na mii í ce ì jɔ̀ mbɛɛ ŋa à waa taam gbugbã nɔ ì jɔ̀ ǹ wa si inɔ kufɔ.

³ Jɔ̀ inya kumáɛ do ntɔɛ a naa sim, nɔ a cuaam, a bɔòm bi iri kuta kumáɛ si bii kpasɛ̃ɛ í wau.

⁴ Ikpa bi kuweei Aɔ̃ Lafɛ̃ɛi an bɔ. Ikpa bɛi inɔ didɔ̃m fei í wa. Bɛi an kɔ̃ iri n cĩ Aɔ̃ Lafɛ̃ɛm do mɔɔlɔ.

⁵ Na mii í jɔ̀ an maa n wɛɛò inɔ kufɔ, na mii í jɔ̀ an maa n weewea. Kpãa ku cɔm si Ilaaɔ̃i á wa. Nɔ an sisi n saabuɛ mái domi nŋui í jɛ Lafɛ̃ɛm do woo faabam.