Iri ku kɔ̃ 4 - Bibeli do fee

Aɔ̃ Lafɛ̃ɛ í kɔ̀ɔm hai bi woo yɛ taalem ngbɛ ngbɛ ŋa

¹ Iriu ihɛ̃ ti inɛ ngboi woo kɔ̃ iri ŋai do Davidi. À ya kɔ̃ɔi do mɔɔlɔ.

² Ilaaɔ̃, waati iyi ǹ dɔ̃ siɛ anu, awɔ iyi ì ya jɔ̀ ǹ ba ntɔ, jɛɛm. Waati iyi ǹ wa si inɔ kufɔ, awɔi ì ya jɔ̀ ǹ nɛ aram. Ceem didɔ̃ nɔ i gbɔ kutɔɔm.

³ Iŋɛ amanɛ ŋa, hee waati yoomai aa maa bɛjɛ irim ŋa hee waati yoomai aa bi i maa yɛ taalei inɛ ŋa si ngbɛ ŋa, hee waati yoomai aa maa sɛi si ibo ŋa. Kusĩmi.

⁴ I mà ŋa iyi Aɔ̃ Lafɛ̃ɛ í cica inɛ iyi í jɛaa ilu naanɛ. Waati iyi ǹ tɔɔɛ faaba, í ya gbɔɔm.

⁵ Bii idɔ nŋɛ í kɔ̃, i maà ce dulum ŋa. I ce lasabu ŋa si idɔ nŋɛ bii ì waa sũ nɔ i coko ŋa. Kusĩmi.

⁶ I ce kuwee ŋa iyi à jɛ dee dee, nɔ i dasi Aɔ̃ Lafɛ̃ɛ naanɛ ŋa.

⁷ Inɛ nkpɔi í ya maa ni, yooi á jɔ̀ ka yɛ mii jiida. Aɔ̃ Lafɛ̃ɛ, cɔ wa nɔ i ce nwa didɔ̃.

⁸ Awɔi ì ya jɔ̀ n nɛ inɔ didɔ̃ ku re inɛ ŋa iyi à da amaajɛ nkpɔ nkpɔ nɔ à ba atɛ̃ vɛ̃ɛ bãm bãm.

⁹ Bii ǹ sũ gbakã ǹ ya n sĩ njooi zigiida ci ya wa si, domi awɔ akãi ì ya jɔ̀ n maa n wɛɛ do laakai ku sũ.