Iri ku kɔ̃ 30 - Bibeli do fee

Aɔ̃ Lafɛ̃ɛ, awɔi ì jɔ̀ ǹ baa si kuwɛɛ má

¹ Iri iyi à kɔ̃ si waatii kpasɛ̃i Aɔ̃ Lafɛ̃ɛu ku cĩ. Iriu ihɛ̃ ti Davidii.

² Aɔ̃ Lafɛ̃ɛ, an fɔ kulaɛ, domi awɔi ì jɔ̀ ǹ baa si kuwɛɛ má. Awɔi i kù jɔ̀ mbɛɛm ŋa a nyaanyim.

³ Aɔ̃ Lafɛ̃ɛm, siɛi n dɔ̃ anu nɔ ì jɔ̀ ǹ ba iri.

⁴ Aɔ̃ Lafɛ̃ɛ, awɔi ì nyam wa hai bi kuwai iku ŋa. Waati iyi ǹ ce amɛɛ do iku, ì baam wa si kuwɛɛ.

⁵ I kɔ̃ iri i na Aɔ̃ Lafɛ̃ɛ bɛɛrɛ ŋa, iŋɛ inɛɛ ŋa. I na iri kumáɛ bɛɛrɛ ŋa.

⁶ Ntɔi, idɔɔkɔ̃ɛ ci ya kpɛ amma didɔ̃ɛ í ya maa wɛɛi do ajɔ fei. Alɛ, kukpatai í ya naa, amma daakɔ inɔ didɔ̃ nla nlai í ya sãsi wa.

⁷ Waati iyi ǹ wɛɛò laakai ku sũ ǹ ya n maa n nii, n kaa n koosɛ pai.

⁸ Aɔ̃ Lafɛ̃ɛ, si didɔ̃ɛ ì jɔ̀ ǹ ba gbugbã wo. Amma waati iyi ì singaam wajuɛ zigim í da.

⁹ Aɔ̃ Lafɛ̃ɛ, awɔi ǹ dɔ̃ si anu. Lafɛ̃ɛm, awɔi ǹ tɔɔ.

¹⁰ Riba yoomai aa ba bii ǹ ku walakɔ bii ì jɔ̀ ǹ lɔ inɔ isa balɛ. Inɛ iyi í kpɔò sãa á yɔkɔ ku saabuɛ má? Inɛ iyi í kpɔò sãa á yɔkɔ ku sisi dee dee ku jɛɛ má?

¹¹ Aɔ̃ Lafɛ̃ɛ, gbɔ kutɔɔm, ceem didɔ̃, nɔ i sobim.

¹² Awɔi ì kpaasi inɔ kufɔm do inɔ didɔ̃. Awɔi ì kpaasi jĩnɛi inɔ kufɔm do jĩnɛi jingau.

¹³ Na nŋu, do idɔm fei an kɔ̃ iri, n kaa n coko. Ilaaɔ̃, awɔi ì jɛ Lafɛ̃ɛm. An maa n saabuɛi hee do ajɔ fei.