Iri ku kɔ̃ 3 - Bibeli do fee

Mbɛɛ ŋa à kaakom

¹ Iriu ihɛ̃ ti Davidii. Iriu wa fɔ idei waati iyi Davidi í saa amaɛ Abusalɔmu.

² Aɔ̃ Lafɛ̃ɛ, mbɛɛm ŋa à kpɔ. Inɛ nkpɔi wa dɛdɛɛm.

³ Inɛ nkpɔi wa ni si gãmɛm, faabaɛ kù wa bi Ilaaɔ̃. Kusĩmi.

⁴ Amma awɔ, Aɔ̃ Lafɛ̃ɛ, awɔi ì jɛ bɛi tɛlim. Awɔi ì ya jɔ̀ n nɛ bɛɛrɛ nɔ n maa n nɛ do ara ku fũ.

⁵ Bii ǹ dɔ̃ anu si Aɔ̃ Lafɛ̃ɛ hee lele, í ya gbɔ imum hee si iri kuta kumáɛ bii í waui. Kusĩmi.

⁶ Bii ǹ sũ, ǹ wa n sĩ njoo idũ, do daakɔ bii ǹ jĩ, awɔi ì ya maa degbem Aɔ̃ Lafɛ̃ɛ.

⁷ Zamaa nkpɔ nkpɔi í dede sim wa, zamaa nkpɔ nkpɔi í kaakom, amma n kù wa n ce njo nŋa.

⁸ Aɔ̃ Lafɛ̃ɛm, dede i faabam. Tɛɛsɛ mbɛɛm ŋau, nɔ i jɔ̀ ilu inɔ kukã ŋau a kua gbugbã.

⁹ Aɔ̃ Lafɛ̃ɛ, awɔi ì jɛ woo faaba. Jɔ̀ kuweeɛ ku wa si inɛɛ ŋa. Kusĩmi.