Iri ku kɔ̃ 23 - Bibeli do fee

Aɔ̃ Lafɛ̃ɛi í jɛ woo degbem

1 Iriu ihɛ̃ ti Davidii.

¹ Iriu ihɛ̃ ti Davidii. Aɔ̃ Lafɛ̃ɛ í jɛ woo degbem. N kaa n kua nkãma.

² Nŋui í ya bɔɔm tengi bii inyi wa sũ cau. Nŋui í ya jɔ̀ n sĩmi tengi bii fɔfɔ tũtũ í wa.

³ Nŋui í ya nyi ku jɔ̀ n ba gbugbã má, nŋui í ya jɔ̀ n maa n nɛ si kpãai dee dee ku jɛ, na saabui irii nŋu takaɛ.

⁴ Waati iyi ǹ ce amɛɛ do iku, n ci ya n nɛ zigiidai ngɔgɔ, domi awɔi ì wɛɛ do amu. Goloɛ do lɔkɔɛ ŋai à jɛ gbugbãm.

⁵ Ì ceem sɔɔlui jingau si wajui mbɛɛm ŋa. Ì tontoom ikpoi olivi si iri, nɔ ì jɔ̀ kɔɔfum í kɔ̃ hee wa nikã.

⁶ Ntɔ ntɔ jiida ku jɛɛ do didɔ̃ɛ aa maa wɛɛi do amu ajɔ fei si kuwɛɛm fei. Nɔ an sinda n nyi wa si kpasɛ̃ɛ, Aɔ̃ Lafɛ̃ɛ, ajɔ fei si kuwɛɛm fei.