Iri ku kɔ̃ 2 - Bibeli do fee

Ilaalu iyi Ilaaɔ̃ í cica

¹ Na mii í ce inɛi ilɛ ŋa à ya maa ja. Na mii í ce à ya maa ce lasabu ngbɛ ngbɛ.

² Ilaalui ilɛ ŋa à dede nɔ amanlu ŋa à tɔtɔɔ a ba a ce igũ do Aɔ̃ Lafɛ̃ɛ do inɛ iyi í cica í jɛ ilaaluu à waa ni,

³ ka da ikũ iyi à dĩ wa dou nɔ ka nyɔ sesee nŋa ŋau.

⁴ Amma inɛ iyi wa buba lelei Aɔ̃ wa nyaanyi ŋa, nŋu Aɔ̃ Lafɛ̃ɛ wa yaako ŋa.

⁵ Wa ba ŋa ide ku fɔ do idɔɔkɔ̃, nɔ si idɔɔkɔ̃ɛ í jɔ̀ njo í mu ŋa.

⁶ Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

⁷ Ilaaluu í ni, an fɔ ide iyi Aɔ̃ Lafɛ̃ɛ í sɔ̃m. Í ni, awɔi ì jɛ ama inɛmɔkɔm, hai nnyi ǹ jɛ baaɛ.

⁸ Í sɔ̃m má í ni, tɔɔm nɔ n naɛ ilɛ ŋau a jɛ tubuɛ. Andunyau fei titɛɛi á jɛ.

⁹ Ilɛ ŋau aa maa gbã ŋai do goloi isɔ nɔ aa lɛgɛ ŋai bɛi à ya lɛgɛ cakai amà.

¹⁰ Na nŋu, iŋɛ ilaalu ŋa i ce lasabu ku ce ncɛɛ si mii iyi aa ce ŋa. I ce laakai si ideu ihɛ̃, iŋɛ inɛ ngboi ilɛ ŋau fei.

¹¹ I mà bɛɛrɛi Aɔ̃ Lafɛ̃ɛ nɔ i sũa iri ilɛ ŋa. I jirima inɛ ngbo ku jɛɛ nɔ i maa yaya do njo ŋa.

¹² I sũa ilaalu amaɛu iri ilɛ ŋa. Bii kù jɛ bɛɛbɛ idɔɛ á kɔ̃, domi idɔɛ í ya kɔ̃i gbãa gbãa nɔ á yɔkɔ ku jɔ̀ i ku anu akã ŋa. Ilu inɔ didɔ̃ ŋai inɛ ŋa iyi à wa bi titɛɛ fei.