Iri ku kɔ̃ 150 - Bibeli do fee

I saabu Aɔ̃ Lafɛ̃ɛ ŋa

¹ I saabu Aɔ̃ Lafɛ̃ɛ ŋa. I saabu Aɔ̃ Lafɛ̃ɛ ŋa si kpasɛ̃ kumáɛ. I saabu Aɔ̃ Lafɛ̃ɛ ŋa tengi bii à waa yɛ gbugbãɛ fei.

² I saabuɛ ŋa na mii nla ŋa iyi í ce. I saabuɛ ŋa si yaase bɛi kulaɛ kù nɛ kɔɔ.

³ I saabuɛ ŋa do ibai kuu. I saabuɛ do kitigbo, do kundigi ŋa.

⁴ I saabuɛ do ama gãgã ŋa i maa jojoò ŋa. I saabuɛ do mɔɔlɔ ŋa. I fãa yee ŋa.

⁵ I cã londi ŋa i saabuɛ do ŋa. I saabuɛ do londi nla ŋa.

⁶ Ilu hunde fei ku saabu Aɔ̃ Lafɛ̃ɛ. I saabu Aɔ̃ Lafɛ̃ɛ ŋa.