Iri ku kɔ̃ 15 - Bibeli do fee

Iyi Aɔ̃ Lafɛ̃ɛ wa tɔɔ inɛɛ ŋa

1 Iriu ihɛ̃ ti Davidii.

¹ Iriu ihɛ̃ ti Davidii. Aɔ̃ Lafɛ̃ɛ, yooi aa gba si inɔ kpasɛ̃ɛ, yooi á buba si iri kuta kumáɛ.

² Inɛ iyi wa nɛ si dee dee ku jɛ, inɛ iyi wa ceò ntɔ icɛ, iyi wa fɔ ntɔ do idɔɛ fei.

³ Inɛ iyi kù waa nya fũnɛi kpaasiɛ, inɛ iyi kù waa cea kpaasiɛ laalɔ, inɛ iyi kù waa cã anyii kpaasiɛ.

⁴ Í ya kɔ̀si woo yaako inɛ ŋa, í ya mà bɛɛrɛi inɛ ŋa iyi à waa jirima Aɔ̃ Lafɛ̃ɛ. Ci ya ce kuwã iyi kù kɔ̃ɔ.

⁵ Ci ya wɛ̃a inɛ nɔ ku daa si inyi. Ci ya gba amua iyi á jɔ̀ ku yɛò taalei inɛ dee dee. Inɛ iyi wa ce bɛɛbɛ kaa koosɛ pai.