Iri ku kɔ̃ 14 - Bibeli do fee

Inɛ fei í bɛjɛi

1 Iriu ihɛ̃ ti inɛ ngboi woo kɔ̃ iri ŋai do Davidi.

¹ Iriu ihɛ̃ ti inɛ ngboi woo kɔ̃ iri ŋai do Davidi. Nnyɛi í ya fɔi si idɔɛ ku ni, Ilaaɔ̃ kù wɛɛ. Inɛ dimi bɛɛbɛ ŋa à bɛjɛi. Aŋa fei laalɔi à waa ce. Inɛ kãma kù wɛɛ iyi wa ce jiida.

² Aɔ̃ Lafɛ̃ɛ wa cɔ inɛ ŋa wa hai lelei Aɔ̃ ku ba ku yɛ bii ilu laakai gɔ í wɛɛ iyi wa dɛdɛɛ.

³ Amma kù yɛ, aŋa fei à nyɔi, aŋa fei à bɛjɛi. Inɛ gɔ kù wɛɛ si inɔ nŋa iyi wa ce jiida baa akã.

⁴ Ŋɔi Aɔ̃ Lafɛ̃ɛ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

⁵ Na nŋu, aa maa yaya do njoi, domi Ilaaɔ̃ í wa inɔi dimi ŋa iyi à jɛ dee deeu.

⁶ Iŋɛ woo ce laalɔ ŋa, ì waa bɛjɛ lasabui icɛ iyi ilu are ŋa à dasi idɔ a ce, amma Aɔ̃ Lafɛ̃ɛ wa degbe ŋa.

⁷ Ǹ bi faaba ku naai si inɛi Izirɛli ŋa hai Siɔ̃ɔ wa. Waati iyi Aɔ̃ Lafɛ̃ɛ á baaò inɛ ŋa iyi à mu aru ŋau wa, dimii Zakɔbu ŋa do inɛi Izirɛli ŋau fei aa wa si inɔ didɔ̃.