Iri ku kɔ̃ 138 - Bibeli do fee

Ǹ bi n saabu Aɔ̃ Lafɛ̃ɛ do idɔm fei

1 Iriu ihɛ̃ ti Davidii.

¹ Iriu ihɛ̃ ti Davidii. Aɔ̃ Lafɛ̃ɛ, ǹ wa n saabuɛ do idɔm fei. An kɔ̃ iri n maa n cĩɛi si wajui ilu gbugbãi lele ŋa.

² An gulɛi do ikpa bi ile kumáɛ, nɔ an maa n saabuɛi na jiida ku jɛɛ do dee dee ku jɛɛ, domi ì kɔ̃ kuwãɛ í re baa bɛi à waa cɔ kpãaɛ.

³ Ajɔ iyi ǹ kpeɛu, ì jɛɛm, ì muum wɔɔkɔ do gbugbã.

⁴ Aɔ̃ Lafɛ̃ɛ, ilaalui ilɛ ŋa fei aa saabuɛi waati iyi aa gbɔ ide iyi ì fɔu.

⁵ Aa saabu kookoosuɛ ŋai a kɔ̃ iri a maa ni, amboei Aɔ̃ Lafɛ̃ɛ í la.

⁶ Aɔ̃ Lafɛ̃ɛ í wa lele amma wa yɛ inɛ ŋa iyi à kaye ara nŋa. Nɔ ilu faau ŋa, hai jĩijĩ í mà ŋa.

⁷ Bii ǹ wa n nɛ si wahala, awɔ Aɔ̃ Lafɛ̃ɛ, ì ya maa mu kuwɛɛm nii. Bii idɔɔkɔ̃i mbɛɛ í dede sim ì ya tɛ awɔɛi nɔ ì ya faabam nii do gbugbãɛ.

⁸ Awɔ Aɔ̃ Lafɛ̃ɛ aa ce iyi bɛi na irim. Awɔ iyi jiida ku jɛɛ kù nɛ kɔɔ, maà fũsi inɛ ŋa iyi ì taka awɔ.