Iri ku kɔ̃ 136 - Bibeli do fee

I saabu Aɔ̃ Lafɛ̃ɛ woo faabai Izirɛli

¹ I saabu Aɔ̃ Lafɛ̃ɛ ŋa domi í jɛ jiida, nɔ kubiɛ í ya maa wɛɛi hee do ajɔ fei.

² I saabu Ilaaɔ̃ nŋu iyi í re iwɛ̃ ŋa, domi kubiɛ í ya maa wɛɛi hee do ajɔ fei.

³ I saabu Aɔ̃ Lafɛ̃ɛi lafɛ̃ɛ ŋa, domi kubiɛ í ya maa wɛɛi hee do ajɔ fei.

⁴ Nŋu akãi í ya ce maamaake nla nla ŋa. Kubiɛ í ya maa wɛɛi hee do ajɔ fei.

⁵ Nŋui í ce lele do bisiɛ. Kubiɛ í ya maa wɛɛi hee do ajɔ fei.

⁶ Nŋui í tɛ ilɛ si antaii inyi ŋa. Kubiɛ í ya maa wɛɛi hee do ajɔ fei.

⁷ Nŋui í ce mii ŋa iyi à nɛ inya kumá nla nla ŋa lelei Aɔ̃. Kubiɛ í ya maa wɛɛi hee do ajɔ fei.

⁸ Í ce inunu ku jɛ inɛ ngboi ajɔ. Kubiɛ í ya maa wɛɛi hee do ajɔ fei.

⁹ Í ce cukpa do leleaɔ̃ ŋa mɔ a jɛ inɛ ngboi idũ. Kubiɛ í ya maa wɛɛi hee do ajɔ fei.

¹⁰ Nŋui í kpa ama yemma ŋa do mɛɛmu ŋa iyi à bí sinte si ilɛi Ezibiti fei. Kubiɛ í ya maa wɛɛi hee do ajɔ fei.

¹¹ Nŋui í fitaò inɛi Izirɛli zamaaɛ ŋau wa hai Ezibiti. Kubiɛ í ya maa wɛɛi hee do ajɔ fei.

¹² Í cooi do gbugbã nlaɛ. Kubiɛ í ya maa wɛɛi hee do ajɔ fei.

¹³ Nŋui í fɛɛfɛ inyii Tenkui Njeeu. Kubiɛ í ya maa wɛɛi hee do ajɔ fei.

¹⁴ Nŋui í jɔ̀ inɛi Izirɛli ŋa à kua tenkuu. Kubiɛ í ya maa wɛɛi hee do ajɔ fei.

¹⁵ Í jɔ̀ inyii tenkuu í jɛ soogei ilaalu Faraɔ̃ ŋau. Kubiɛ í ya maa wɛɛi hee do ajɔ fei.

¹⁶ Nŋui í gbã inɛɛ ŋa si gbaau. Kubiɛ í ya maa wɛɛi hee do ajɔ fei.

¹⁷ Nŋui í kpa ilaalu nla ŋa. Kubiɛ í ya maa wɛɛi hee do ajɔ fei.

¹⁸ Nŋui í kpa ilaalu ilu gbugbã ŋa. Kubiɛ í ya maa wɛɛi hee do ajɔ fei.

¹⁹ Sioni ilaalui inɛi Amɔre ŋa

²⁰ do Ɔgu ilaalui ilɛi Basãa. Kubiɛ í ya maa wɛɛi hee do ajɔ fei.

²¹ Í gba ilɛ nŋau í na inɛ mmu ŋa í jɛ tubu nŋa. Kubiɛ í ya maa wɛɛi hee do ajɔ fei.

²² Í jɔ̀ aŋa inɛi Izirɛli woo ce icɛɛ ŋau à kpɛ̃ ilɛu bɛi amani. Kubiɛ í ya maa wɛɛi hee do ajɔ fei.

²³ Nŋui í ye gigi nwa waati iyi à wa si wahala. Kubiɛ í ya maa wɛɛi hee do ajɔ fei.

²⁴ Nɔ nŋui í nya wa hai si awɔi mbɛɛ nwa ŋa. Kubiɛ í ya maa wɛɛi hee do ajɔ fei.

²⁵ Nŋui í ya na mii ilu hunde fei ijɛ. Kubiɛ í ya maa wɛɛi hee do ajɔ fei.

²⁶ I saabu Ilaaɔ̃ nŋu iyi í wa leleu ŋa, domi kubiɛ í ya maa wɛɛi hee do ajɔ fei.