Iri ku kɔ̃ 13 - Bibeli do fee

Aɔ̃ Lafɛ̃ɛ, hee waati yoomai aa maa gbɛjɛ idem

¹ Iriu ihɛ̃ ti inɛ ngboi woo kɔ̃ iri ŋai do Davidi.

² Aɔ̃ Lafɛ̃ɛ hee waati yoomai aa kɔ̀ i maa gbɛjɛ idem. Hee waati yoomai aa kɔ̀ i maa i singaam wajuɛ.

³ Hee waati yoomai aa jɔ̀ n maa n mɔsi do wahala si kuwɛɛm nɔ n maa n wɛɛò inɔ kufɔ si idɔm. Waati yoomai aa jɔ̀ mbɛɛm ku kãmiam.

⁴ Aɔ̃ Lafɛ̃ɛm cɔ, nɔ i jɛɛm. Muum gbugbã ku ba n maà n ku.

⁵ Nɔ mbɛɛm ku maà ni nŋu í kãmiam. Maà jɔ̀ n cuku nɔ mbɛɛm ŋau a nɛ inɔ didɔ̃ nla nla.

⁶ Ǹ dasiɛ naanɛ domi ì nɛ kubim hee do ajɔ fei. Ǹ nɛ inɔ didɔ̃, domi awɔi ì faabam. Aɔ̃ Lafɛ̃ɛ, an kɔ̃ iri n saabuɛ do inɔ didɔ̃ domi ì ceem jiida.