Iri ku kɔ̃ 129 - Bibeli do fee

À ceem laalɔ bututu, amma...

1 Iri ku kɔ̃i kutɔɔ ku bɔ ku ce.

¹ Iri ku kɔ̃i kutɔɔ ku bɔ ku ce. À ceem laalɔ nkpɔ nkpɔ hai waatii awaasũm, Izirɛli ku fɔ ku sisi ku ni,

² à ceem laalɔ nkpɔ nkpɔ hai waatii awaasũm, amma a kù yɔkɔ a kù kãmiam.

³ Woo logoo ŋa à fa ilɛ si bũum à ce fii sisɔ ŋa.

⁴ Aɔ̃ Lafɛ̃ɛi í jɛ dee dee. Nŋui í fũ ikũ iyi ilu inɔ kukã ŋau à dĩ wa do.

⁵ Jɔ̀ anyɔ ku jɛ ti mbɛɛi Siɔ̃ɔ ŋau fei. Jɔ̀ aŋa fei a sa.

⁶ Jɔ̀ a yɛ bɛi fɔfɔ iyi í fita si antaii ile kukpɛkɛ iyi í ya gbɛ hee a maa tuu.

⁷ Fɔfɔu ci ya kɔ̃ awɔi inɛ iyi wa tuu hee ku dĩ kamboɛ.

⁸ Nɔ woo lɔ ŋa a ci ya ni, Aɔ̃ Lafɛ̃ɛ ku wee nŋɛ. Awa, à waa wee nŋɛi do irii Aɔ̃ Lafɛ̃ɛ.