Iri ku kɔ̃ 127 - Bibeli do fee

Bii Aɔ̃ Lafɛ̃ɛ kù ma kpasɛ̃u

1 Iri ku kɔ̃i kutɔɔ ku bɔ ku ce. Iriu ihɛ̃ ti Salomɔɔi.

¹ Iri ku kɔ̃i kutɔɔ ku bɔ ku ce. Iriu ihɛ̃ ti Salomɔɔi. Bii Aɔ̃ Lafɛ̃ɛ kù ma kpasɛ̃, inɛ ŋa iyi à waa maa, icɛ ngbɛi à waa ce. Bii kù jɛ Aɔ̃ Lafɛ̃ɛi wa degbe ilu, inɛ ŋa iyi à waa degbeɛ, aa maa wɔ njooi ngbɛ ngbɛ.

² Kudede nŋɛ daadaakɔ do kusũ nŋɛ iyi í ya ce ankãanyi i maa dɛdɛò mii iyi aa jɛ i maa wahalaò, ngbɛi. Aɔ̃ Lafɛ̃ɛ í ya na baakɔɔɛ ŋai bɛi í bi waati iyi à waa sĩ njoo.

³ Amu ŋa, amani jiidai à jɛ. Amua iyi wa naa hai bi Aɔ̃ Lafɛ̃ɛi.

⁴ Amu ŋa iyi inɛ í ba hai waatii awaasũɛ à ya yɛi bɛi afa ŋa si awɔi woo ja igũ.

⁵ Ilu inɔ didɔ̃i inɛ iyi í dasi tongoɛ afa í kɔ̃. Kaa yɛ anyɔ waati iyi á yɛ mbɛɛɛ ŋa anu koofai iluu.