Iri ku kɔ̃ 126 - Bibeli do fee

Inɔ kufɔ í kpaasi do inɔ didɔ̃

1 Iri ku kɔ̃i kutɔɔ ku bɔ ku ce.

¹ Iri ku kɔ̃i kutɔɔ ku bɔ ku ce. Waati iyi Aɔ̃ Lafɛ̃ɛ í teese wa jilɛ Siɔ̃ɔ bɛi í tako í wɛɛ, wa yɛ nwai bɛi inɛ ŋa iyi à waa ce ala.

² Si bɛɛbɛ, à wasi ku nyaanyii, nɔ à waa dɔ̃ anu do inɔ didɔ̃. Inɛi ilɛ mmu ŋa à waa ni, Aɔ̃ Lafɛ̃ɛ í ce nŋa mii nla nla.

³ Ntɔ ntɔ Aɔ̃ Lafɛ̃ɛ í ce nwa mii nla nla. Na ŋɔi í ce à wɛɛò inɔ didɔ̃.

⁴ Aɔ̃ Lafɛ̃ɛ í baaò kuwɛɛ nwa wa si agbɛɛ bɛi í jɔ̀ inyi í naa si gbaai Negɛbu.

⁵ Inɛ ŋa iyi à waa gbɛ̃ do kukpata, aa na a dai do anu ku dɔ̃i inɔ didɔ̃.

⁶ Inɛ iyi í koo wa fá dimi wa kpataò, á na ku baai do anu ku dɔ̃i inɔ didɔ̃ ku maa soò amaajɛ kambo ŋa wa.