Iri ku kɔ̃ 125 - Bibeli do fee

Inɛ ŋa iyi à dasi Aɔ̃ Lafɛ̃ɛ naanɛ

1 Iri ku kɔ̃i kutɔɔ ku bɔ ku ce.

¹ Iri ku kɔ̃i kutɔɔ ku bɔ ku ce. Inɛ ŋa iyi à dasi Aɔ̃ Lafɛ̃ɛ naanɛ, à yɛi bɛi iri kutai Siɔ̃ɔ iyi ci ya yaga. Á maa leekĩi hee do ajɔ fei.

² Iri kuta ŋai à kaako Zeruzalɛmu. Do yaase bɛɛbɛi Aɔ̃ Lafɛ̃ɛ í kaako inɛɛ ŋa, hai nsɛi hee do ajɔ fei.

³ Ilu inɔ kukã ŋa a kaa jɛ bomma si ilɛi inɛ dee dee ŋa, ku ba inɛ dee dee ŋau a maà na a dasi laalɔ ku ce.

⁴ Aɔ̃ Lafɛ̃ɛ, jɔ̀ i nyisi inɛ jiida ŋa do inɛ ŋa iyi idɔ nŋa í má jiida ku jɛɛ.

⁵ Amma inɛ ŋa iyi à waa nɛ si kpãa laalɔ do inɛ ŋa iyi à waa ce laalɔ fei, Aɔ̃ Lafɛ̃ɛ, jɔ̀ a ba ijuukpã. Jɔ̀ laakai ku sũ ku wɛɛ do inɛi Izirɛli ŋa.