Iri ku kɔ̃ 124 - Bibeli do fee

Bii Aɔ̃ Lafɛ̃ɛ kù wɛɛ do awa wo

1 Iri ku kɔ̃i kutɔɔ ku bɔ ku ce. Iriu ihɛ̃ ti Davidii.

¹ Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Bii Aɔ̃ Lafɛ̃ɛ kù wɛɛ do awa wo, Izirɛli ku fɔ ku sisi,

² bii Aɔ̃ Lafɛ̃ɛ kù wɛɛ do awa wo, waati iyi inɛ ŋa à dede si wa,

³ aa mi wai wo njaawɛ waati iyi idɔ nŋa í kɔ̃ si wau.

⁴ Acãi inyi á nɛò wai wo, nɔ inyiu ku mi wa.

⁵ Do yaase bɛɛbɛ, kucãi inyi nlau á bii wai.

⁶ Saabu ku jɛ ti Aɔ̃ Lafɛ̃ɛ iyi í jɔ̀ a kù dasi gɛlɛ nŋa.

⁷ À ba à fita hai si taa nŋa bɛi yɛi ŋa à ya fita hai si taa. Taau í ga, nɔ à ba à fita si.

⁸ Faaba nwa wa naai hai bi Aɔ̃ Lafɛ̃ɛ nŋu iyi í ce lele do ilɛ.