Iri ku kɔ̃ 122 - Bibeli do fee

Kuwãi laakai ku sũi Zeruzalɛmu

1 Iri ku kɔ̃i kutɔɔ ku bɔ ku ce. Iriu ihɛ̃ ti Davidii.

¹ Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Inɔ didɔ̃i í ya jɛɛm, waati iyi à ni, ka bɔ kpasɛ̃i Aɔ̃ Lafɛ̃ɛ.

² Zeruzalɛmu, wee à waa leekĩ andɛ koofaɛ ŋa.

³ À ma Zeruzalɛmui í sĩa. À maai í tɔtɔɔ í jɛ akã.

⁴ Bɛi dimii Izirɛli ŋa iyi à jɛ zamaai Aɔ̃ Lafɛ̃ɛ ŋa à ya bɔ. À ya bɔ bɛi a koo a cĩ Ilaaɔ̃ bɛi í sɔ̃ ŋa í ni a ya ce.

⁵ Bɛi kitãi bommau í wa. Bɛi Davidi do tɔkuɛ ŋa à ya jɛ bomma, nɔ bɛi à ya kiiti zamaau.

⁶ I tɔɔ Ilaaɔ̃ ŋa ku ba mii fei ku maa nɛ dee dee si ilui Zeruzalɛmu. I ce kutɔɔ ŋa na inɛ ŋa iyi à bi Zeruzalɛmu a wɛɛò laakai ku sũ.

⁷ I ce kutɔɔ ku ba inɛ ŋa iyi à wa inɔ bindii Zeruzalɛmu ŋa a wɛɛò laakai ku sũ. I ce kutɔɔ ku ba inɛ ŋa iyi à wa si kaba ku nɛ gbugbãi bommaɛ ŋa a wɛɛò laakai ku sũ.

⁸ Na kubii nyaanzem ŋa do kpaasim ŋa, ǹ wa n tɔɔ laakai ku sũ ku wɛɛa Zeruzalɛmu ntɔ ntɔ.

⁹ Na kubii kpasɛ̃i Aɔ̃ Lafɛ̃ɛ nwa ǹ wa n tɔɔ ku cea Zeruzalɛmu jiida.