Iri ku kɔ̃ 121 - Bibeli do fee

Yooi á yɔkɔ ku faabam

1 Iri ku kɔ̃i kutɔɔ ku bɔ ku ce.

¹ Iri ku kɔ̃i kutɔɔ ku bɔ ku ce. Ǹ wu ijum ŋai ikpa antaii iri kuta ŋa. Hai do ikpa iwoi faabam á naa.

² Faabam wa naai hai bi Aɔ̃ Lafɛ̃ɛ, nŋu iyi í ce lele do ilɛ.

³ Kaa jɔ̀ i koosɛ. Nŋu iyi wa muɛ ci ya siiko.

⁴ Inɛ iyi wa degbe inɛi Izirɛli ŋau, ci ya siiko, ci ya nɔ ku sĩ njoo.

⁵ Aɔ̃ Lafɛ̃ɛi á maa degbeɛ. Nŋui í jɛ bɛi jĩjĩ iyi í wa kɔkɔɛ.

⁶ Waatii dasã, inunu kaa joɛ má. Waatii idũ, cukpa kaa ceɛ laalɔ kãma.

⁷ Aɔ̃ Lafɛ̃ɛi á maa degbeɛ si laalɔ baa yooma fei. Nɔ nŋui á maa mu kuwɛɛɛ.

⁸ Aɔ̃ Lafɛ̃ɛi á maa muɛ si kukooɛ do kubaaɛ, hai nsɛi hee do ajɔ fei.