Iri ku kɔ̃ 120 - Bibeli do fee

Kutɔɔi inɛ gɔ iyi à waa yɛ taaleɛ ngbɛ ngbɛ

1 Iri ku kɔ̃i kutɔɔ ku bɔ ku ce.

¹ Iri ku kɔ̃i kutɔɔ ku bɔ ku ce. Waati iyi ǹ wa si inɔ kufɔ, Aɔ̃ Lafɛ̃ɛi ǹ dɔ̃ si anu nɔ í jɛɛm.

² Aɔ̃ Lafɛ̃ɛ, nyam hai si awɔi ilu ibo ŋa do hai si awɔi ilu zamba ŋa.

³ Ijuukpã yoomai Aɔ̃ Lafɛ̃ɛ á jɔ̀ ku ba ŋɛ, iŋɛ iyi ì ya maa ce kugbasi ibo ŋa.

⁴ Afai igũ ku gbe anu iyi à kpã do ina nyɛnyɛ nla nla.

⁵ Inɔ kufɔi í jɛ ti amu iyi ǹ koo ǹ wa si inɔi isɛ mmu ŋa do si inɔi inɛ kugaabu ŋa.

⁶ Waati sisɔi ǹ ce bi inɛ ŋa iyi a kù bi laakai ku sũ.

⁷ Nɔ hai ǹ wa n fɔ idei laakai ku sũ gbakã, à ya tã sɔɔlui igũi.