Iri ku kɔ̃ 113 - Bibeli do fee

Bitandi hai nɛ bi ku fita si, Aɔ̃ Lafɛ̃ɛi í ya jɔ̀ ku sɛkɛɛ

¹ I saabu Aɔ̃ Lafɛ̃ɛ ŋa. Iŋɛ woo ce icɛi Aɔ̃ Lafɛ̃ɛ ŋa, i saabuɛ ŋa. I saabu Aɔ̃ Lafɛ̃ɛ ŋa.

² I saabu Aɔ̃ Lafɛ̃ɛ ŋa hai nsɛi hee do ajɔ fei.

³ Hai nunui daakɔ hee ku bɔ nunui alɛ, i saabu Aɔ̃ Lafɛ̃ɛ ŋa.

⁴ Aɔ̃ Lafɛ̃ɛi í jɛ inɛ ngbo si ilɛ ŋa fei. Amboeɛ í gboka í re kugbokai lele.

⁵ Inɛ kãma kù yɛ bɛi Aɔ̃ Lafɛ̃ɛ nwa, nŋu iyi í wa hee lele.

⁶ Hai bi kuwaɛ, wa cɔ lele do ilɛ.

⁷ Í ya dede hai nɛ gbugbã iyi í cuku ilɛ nɔ í ya dede ilu are iyi wa buba si iri ankitã,

⁸ nɔ ku jɔ̀ koo buba do amanlu ŋa si inɔi inɛɛ ŋa.

⁹ Í jilɛ abo gbɛnda gɔ si inɔ kpasɛ̃ bii ama nkpɔ nkpɔ í wa. Í jɔ̀ abou í nɛ inɔ didɔ̃ na amu ŋau. I saabu Aɔ̃ Lafɛ̃ɛ ŋa.