Iri ku kɔ̃ 110 - Bibeli do fee

Ilaalu do woo wee

1 Iriu ihɛ̃ ti Davidii.

¹ Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

² Hai Siɔ̃ɔ, Aɔ̃ Lafɛ̃ɛ á jɔ̀ gbugbãi bommaɛ ku bɔi hee jĩijĩ, nɔ nŋui á jɔ̀ i kãmia mbɛɛ ŋa iyi à kaakoɛ.

³ Si ajɔ iyi aa tɔtɔɔ soogeɛ ŋau, woo mà igũ ku ce ŋau aa sìɛ. Awaasũɛ ŋa aa naa bi tɛɛi si iri kuta kumáɛ ŋa bɛi ikpãi amɛɛjuumá.

⁴ Aɔ̃ Lafɛ̃ɛ í fɔɔi do kugbasi, nɔ kaa kpaasi ide iyi í fɔu, iyi í ni, awɔi ì jɛ woo wee do ajɔ fei bɛi Mɛɛkizedɛki.

⁵ Aɔ̃ Lafɛ̃ɛ í wa awɔ njɛɛ. Á ce nfei ilaalu ŋai ajɔ iyi idɔɔkɔ̃ɛ á dede.

⁶ Á kiiti ilɛ ŋa. Iku ŋa aa maa kɔ̃i bii fei. Á ce nfei inɛ ngboi ilɛ nkpɔ.

⁷ Si isɛɛnɛu, inyi iyi wa cãi ilaaluu á mɔ. Nŋu bɛi á jɔ̀ ku wu iri lele.