Neemi 7 - Bibeli do fee

Bɛi aa ce a degbeò Zeruzalɛmu

¹ Iyi bindiu í tã nɔ ǹ jɔ̀ à dasi gamboi anu koofa ŋau, ŋɔi ǹ jilɛ woo degbe anu koofa ŋau do woo kɔ̃ iri ŋau do inɛi Levii ŋau si icɛ nŋa.

² Ŋɔi ǹ jilɛ ifɔm Hanani í jɛ inɛ ngboi Zeruzalɛmu, nŋu do Hanania inɛ ngboi woo degbe ile ku nɛ gbugbãi iluu. Hananiau í jɛ ilu naanɛ í re inɛ nkpɔ nkpɔ nɔ í jɛ inɛ iyi wa jirima Ilaaɔ̃.

³ Ŋɔi ǹ sɔ̃ ŋa ǹ ni, a kù nɛ a cĩ gamboi Zeruzalɛmu ŋa bii kù jɛ inunu í fita wa í bɔ hee lele, nɔ alɛ woo degbe ŋau aa cĩmboɛi a sɔkɔ a bɛi a nɛ. Inɛi Zeruzalɛmu ŋai aa jɛ woo degbe bindiu nɔ inɛ fei ku maa degbe wajui kpasɛ̃ɛ.

Zuifu ŋa iyi à baa ilɛ nŋa

⁴ Ilui Zeruzalɛmu í cĩ nɔ í la, amma zamaau í kere, nɔ a kù teese a kù ma ile nŋa ŋau.

⁵ Ŋɔi Aɔ̃ Lafɛ̃ɛm í daam si idɔ n tɔtɔɔ inɛ ngbo ŋa do inɛ nla ŋa hee do inɛ ŋa iyi à gbe fei ku ba n ce kuka. Ŋɔi ǹ ba tia si bii à kɔ irii inɛ ŋa iyi à sinti ku baau. Iyi ǹ yɛ si tiau wee.

⁶ Hai tako wo ilaalu Nebukanɛsaa í mu inɛi Izirɛli ŋa aru si ilɛɛ iyi à ya kpe Babilɔni. Nɔ si anyii adɔ̃ nkpɔ inɛi nyaanze nŋa ŋa à waa nyi si ilui Zeruzalɛmu do si ilɛi Zudaa fei, inɛ fei wa nyi si iluɛ.

⁷ Inɛ ŋa iyi à gbã inɛ ŋau à baaò ŋa wa wee. Zorobabɛli do Zozue do Neemi do Azaria do Raamia do Nahamani do Maadosee do Bilisãa do Misiperɛti do Biguvai do Nehumu do Baana. Irii inɛmɔkɔi Izirɛli ŋa wee do kukpɔ nŋa si wua ikã ikã.

⁸ Tɔkui Pareosi ŋa, aŋa dubu minji do cĩɔ do kitaò fɛɛwa do minji (2.172),

⁹ tɔkui Sefatia ŋa, aŋa cĩɔ mɛɛta do kitaò fɛɛwa do minji (372),

¹⁰ tɔkui Ara ŋa, aŋa cĩɔ mɛɛfa do ciitaa do minji (652),

¹¹ tɔkui Pahati-Moabu ŋa, si tɔkui Zozue do Zoabu ŋau, aŋa dubu minji do cĩɔ mɛɛjɔ do mɛɛwa do mɛɛjɔ (2.818),

¹² tɔkui Elamu ŋa, aŋa dubu akã do cĩɔ minji do ciitaa do mɛɛ (1.254),

¹³ tɔkui Zatu ŋa, aŋa cĩɔ mɛɛjɔ do ciiji do miiu (845),

¹⁴ tɔkui Zakai ŋa, aŋa cĩɔ mɛɛje do kita (760),

¹⁵ tɔkui Binui ŋa, aŋa cĩɔ mɛɛfa do ciiji do mɛɛjɔ (648),

¹⁶ tɔkui Bebai ŋa, aŋa cĩɔ mɛɛfa do kɔnfia do mɛɛjɔ (628),

¹⁷ tɔkui Azugadi ŋa, aŋa dubu minji do cĩɔ mɛɛta do kɔnfia do minji (2.322),

¹⁸ tɔkui Adonikamu ŋa, aŋa cĩɔ mɛɛfa do kita do mɛɛje (667),

¹⁹ tɔkui Biguvai ŋa, aŋa dubu minji do kita do mɛɛje (2.067),

²⁰ tɔkui Adini ŋa, aŋa cĩɔ mɛɛfa do ciitaa do miiu (655),

²¹ tɔkui Atɛɛ ŋa, si tɔkui Ezekiasi ŋa, aŋa cinɛò fɛɛwa do mɛɛjɔ (98),

²² tɔkui Hasumu ŋa, aŋa cĩɔ mɛɛta do kɔnfia do mɛɛjɔ (328),

²³ tɔkui Bɛtisai ŋa, aŋa cĩɔ mɛɛta do kɔnfia do mɛɛ (324),

²⁴ tɔkui Harifu ŋa, aŋa cĩɔ do maateeji (112),

²⁵ inɛi Gabaɔ̃ɔ ŋa, aŋa cinɛò fɛɛwa do miiu (95),

²⁶ inɛi ilui Betelehɛmu ŋa, do ti Netofa ŋa aŋa cĩɔ do cinɛ do mɛɛjɔ (188),

²⁷ inɛi ilui Anatɔti ŋa, aŋa cĩɔ do kɔnfia do mɛɛjɔ (128),

²⁸ inɛi ilui Bɛti-Azumavɛti ŋa, aŋa ciiji do minji (42),

²⁹ inɛi ilui Kiria-Yarimu do ti Kefira do ti Berɔti ŋa, aŋa cĩɔ mɛɛje do ciiji do mɛɛta (743),

³⁰ inɛi ilui Rama ŋa, aŋa do inɛi Geba ŋa aŋa cĩɔ mɛɛfa do kɔnfia do akã (621),

³¹ inɛi ilui Mikimasi ŋa, aŋa cĩɔ do kɔnfia do minji (122),

³² inɛi ilui Betɛli do Ai ŋa, aŋa cĩɔ do kɔnfia do mɛɛta (123),

³³ inɛi ilui Nebo iyi ihɔ̃ ŋau, aŋa ciitaa do minji (52),

³⁴ tɔkui Elamu iyi ihɔ̃ ŋau, aŋa dubu akã do cĩɔ minji do ciitaa do mɛɛ (1.254),

³⁵ tɔkui Harimu ŋa, aŋa cĩɔ mɛɛta do kɔnfia (320),

³⁶ inɛi ilui Zeriko ŋa, aŋa cĩɔ mɛɛta do ciiji do miiu (345),

³⁷ inɛi ilui Lodi do Hadidu do Ono ŋa, aŋa cĩɔ mɛɛje do kɔnfia do akã (721),

³⁸ inɛi ilui Senaa ŋa, aŋa dubu mɛɛta do cĩɔ mɛɛsã do kuntaa (3.930).

³⁹ Jiai woo wee ŋa mɔ wee. Tɔkui Yedaya ŋa si kpasɛ̃i Zozue, aŋa cĩɔ mɛɛsã do kitaò fɛɛwa do mɛɛta (973),

⁴⁰ tɔkui Imɛɛ ŋa, aŋa dubu akã do ciitaa do minji (1.052),

⁴¹ tɔkui Pasuu ŋa, aŋa dubu akã do cĩɔ minji do ciiji do mɛɛje (1.247),

⁴² tɔkui Harimu ŋa, aŋa dubu akã do maatũ do minji (1.017).

⁴³ Jiai inɛi Levii ŋa mɔ wee. Tɔkui Zozue ŋa do ti Kadimiɛli ŋa si kpasɛ̃i Hodiva ŋa, aŋa kitaò fɛɛwa do mɛɛ (74).

⁴⁴ Jiai woo kɔ̃ iri kpasɛ̃i Ilaaɔ̃u ŋa mɔ wee. Tɔkui Azafu ŋa, aŋa cĩɔ do ciiji do mɛɛjɔ (148).

⁴⁵ Woo degbe anu koofai ilu ŋau mɔ wee. Tɔkui Salumu ŋa do ti Atɛɛ ŋa do ti Talimɔɔ ŋa do ti Akubu ŋa do ti Hatita ŋa do ti Sobai ŋa, aŋa cĩɔ do kuntaa do mɛɛjɔ (138).

⁴⁶ Irii woo ce icɛi kpasɛ̃i Ilaaɔ̃ ŋau wee. Tɔkui Sika ŋa do ti Hasufa ŋa do ti Tabaɔti ŋa,

⁴⁷ do ti Kerosi ŋa do ti Sia ŋa do ti Padɔ̃ɔ ŋa,

⁴⁸ do ti Lebana ŋa do ti Hagaba ŋa do ti Salumai ŋa,

⁴⁹ do ti Hanaa ŋa do ti Gidɛli ŋa do ti Gahaa ŋa,

⁵⁰ do ti Reaya ŋa do ti Rezɛ̃ɛ ŋa do ti Nekoda ŋa,

⁵¹ do ti Gazamu ŋa do ti Uza ŋa do ti Pasea ŋa,

⁵² do ti Besai ŋa do ti Mehunimu ŋa do ti Nefisimu ŋa,

⁵³ do ti Bakibuku ŋa do ti Hukufa ŋa do ti Haruu ŋa,

⁵⁴ do ti Basiliti ŋa do ti Mehida ŋa do ti Haasa ŋa,

⁵⁵ do ti Baakosi ŋa do ti Sisera ŋa do ti Tamaa ŋa,

⁵⁶ do ti Nesia ŋa do ti Hatifa ŋa.

⁵⁷ Tɔkui woo ce icɛi Salomɔɔ ŋa wee. Tɔkui Sotai ŋa do ti Soferɛti ŋa do ti Perida ŋa,

⁵⁸ do ti Yaala ŋa do ti Daakɔ̃ ŋa do ti Gidɛli ŋa,

⁵⁹ do ti Sefatia ŋa do ti Hatili ŋa do ti Pokerɛti-Hasebaimu ŋa do ti Amɔɔ ŋa.

⁶⁰ Jiai woo ce icɛ inɔ kpasɛ̃i Ilaaɔ̃ ŋa do tɔkui woo ce icɛi Salomɔɔ ŋau à wɛɛ aŋa cĩɔ mɛɛta do cinɛò fɛɛwa do minjii (392).

⁶¹ Inɛ ŋa iyi à nɛ hai Tɛli-Mela do Tɛli-Haasa do Kerubu-Adɔ̃ɔ do Imɛɛ a kù ba a kù mà yaasei nyaanzei bala nŋa ŋa sãa sãa, ku ba nŋu bɛ ku nyisi iyi à jɛ inɛi Izirɛli ŋa.

⁶² Jiai aŋa mɔ wee. Tɔkui Delaya ŋa do ti Tobiya ŋa do ti Nekoda ŋa à wɛɛi aŋa cĩɔ mɛɛfa do ciiji do minji (642).

⁶³ Si inɔi inɛ ŋau, gɔgɔ nŋa ŋa woo wee ŋai. Irii aŋa mɔ wee. Tɔkui Hobaya ŋa do ti Hakoti ŋa do ti Baazilai ŋa iyi í so ama inaaboi Baazilai inɛi Galaadiu í ce abo. Nɔ à kpoo do iri nŋa.

⁶⁴ Inɛ ŋau ihɛ̃, à dɛdɛ icui bala nŋa ŋa, amma a kù yɔɔ. Ŋɔi í jɔ̀ à nya ŋa si icɛi kuweeu.

⁶⁵ Nɔ woo mu ilɛu í ni a maà jɛ sɔndai kuwee gɔ, í gbe hee bii woo wee gɔ í ce kubee wa hai bi urimu do tumimu.

⁶⁶ Akpɔi inɛi Izirɛli ŋa iyi à baau fei í dedei amanɛ dubu ciiji do minji do cĩɔ mɛɛta do kita (42.360)

⁶⁷ baka woo ce icɛ inɛmɔkɔ ŋa do inaabo ŋa zakai aŋa dubu mɛɛje do cĩɔ mɛɛta do kuntaa do mɛɛje (7.337), nɔ à nɛ woo kɔ̃ iri inɛmɔkɔ ŋa do inaabo ŋa aŋa cĩɔ minji (200).

⁶⁸ Nɔ à nɛ kpookpo ŋa aŋa cĩɔ mɛɛ do kuntaa do miiu (435), do mulee ŋa mɔ aŋa dubu mɛɛfa do cĩɔ mɛɛje do kɔnfia (6.720).

⁶⁹ Si icɛu iyi à ce, ilu ilɛu í ce amua, í na wura kpɛkɛlɛ dubu akã do kɔɔfu ciitaa do ibɔi woo wee cĩɔ miiu do kuntaa (530). Ilu kpasɛ̃ nkpɔ mɔ í ce amua.

⁷⁰ Amua nŋa ŋa iyi à ce wee. Wura kpɛkɛlɛ dubu kɔnfia (20.000) do isɔ fũfũ dubu minji do cĩɔ minji (2.200).

⁷¹ Nɔ zamaa bubu iyi í gbeu, í na wura kpɛkɛlɛ dubu kɔnfia (20.000) do isɔ fũfũ dubu minji (2.000) do ibɔi woo wee ara kita do mɛɛje (67).

⁷² [Waati iyi icɛu í kpa iri,] woo wee ŋau do inɛi Levii ŋau do woo degbe anu koofa ŋau do woo kɔ̃ iri ŋau do mbɔi zamaa ŋau do woo ce icɛi kpasɛ̃i Ilaaɔ̃ ŋa do inɛi Izirɛli ŋau fei à koo à buba si ilu nŋa ŋa. Ŋɔi cukpa mɛɛjesiau í to nɔ inɛi Izirɛli ŋau à wa si ilu nŋa ŋa.